الحمدلله انا بقيت بنت..............خنيقة

الحمد لله بفضل الله ودعا الوالدين الكرام انا بقيت بنت خنيقة اخر حاجة
او بمعنــــى قررت اكون خنيقــــــــة 
يعنى سنتين فى كليتي عمالة احاول ابقى مسالمة وفى منأى عن اي مشاكل
مش لانى مش هعرف ارد..... ابداااا والله
 ده لانى بترفع وبكبر دماغى من لعب العيال وبتعامل باخلاق دينى واهلى

بـــــدون الدخول فى اى تفاصيل 
حاجة عايزة افهمها ليكــــم يا عبـــــــــاد الله
ما اسهـــــل الغلط وما ايســـــر رد الاساءة بالمثل بل وبأضعاف مضاعفة 
ولكــــن لانى جوايا حاجة نضيفة مش عايزة الوثها بسخافات 
ومهاترات فاضية  لا تغنى ولا تذر
مش عايزة اهدم قيمـــة عندى عشان خاطر اتواكب مع شخافتكم
اوعى حد يفكر ولو للحظـــــة ان تكبير الدماغ نـــزول لا لا ياأساتذة
 يأسفني اقولكم ان دماغكم فيها حاجة غلط
 تكبير الدماغ ان كان له معنى فمعناه الوحيــــــــد انكم هـــــــــوى
 حاجة كده مش بشوفها اصلاااا وبالتالى بكبـــــــر دماغى 
وملاحظة صغننه اللى بيهين حد تاللــــــــــــه ما الاهانة الا فى شخصه
واحترسوووا ممن نام داعيا اسلمت وجهى لله واستيقظ مرددا توكلت على الله
لانه قد اتخذ من الله وكيلاااا ومن حسبى الله سبيلااا وكفــــــــــــــى
مـــــــرى عامين من كليتى التـــى لا طاقة لى بها بداية لنهاية 
فيـــــــــــارب ماذا بعد !!!
وان لم تكتب لى شأنا عليا فى الارض فأختزنه لى يوم العــــــــرض عليك 
ملاحظة اخيــــــــــرة انا عمر ما هيكون قرارى انى اكون خنيقـــــة ابداااا دى فضفضة صغيرة
 فى لحظة ضيق جامدة شويتين.... وفى النهاية دع الخلق للخالــــــق 

من انـــــــــا * خاطرتـــــى *

فتاة ظنت انها اخذة من الدنيا كل شئ

وفجأة وجدت نفسها لاشئ

فى مجتمع لامكان فيه وبحق الا لمن هوشئ

فجلست تتفقد أعين الناس

فلم تجد فيها احتراما الا لمن هو شئ

فطـــــاقت نفسها الى ان تكون شئ

فقررت ان تترك كل شئ

حتى تحقق هذا الشئ

شيئا ذو قيمة وليس اي شئ

 فقال لها ابيها يا زهرة العمر انت لي كل شئ

ولا اريدك ان تكوني شئ

الا ان تكوني راضية عن نفسك بعض الشئ

 قالت يا ابتى كيف لنفسي ان ترضى وانا لاشئ

يا ابتى اريد ان افرح هذه  العيون ولو بشئ

 قالوا لها ان ما تحلمي به مجرد شئ قد يأتي او لا
 
قالت ولما لا ياتي وانا عبدا لرب كريم

وملك عظيم رب كل شئ

قادر على ان يسخر لي كل شئ

حتى احقق هذا الشئ
 
قالوا لها ان هناك من هم احق منها بان يكونوا هذا الشئ

لا لأنهم شئ ولكن..................لانهم ذا صلة برجل ذو شئ

قالت تالله لن اعترى بهذه الثرثرة ولو بعض الشئ

لانكم وبكل وضوح ...........لا شئ

وها هي تحاول ان تصنع من التراب حليا لتتزين به

لعلها تصبح جميلة بعض الشئ

اترى سوف تحقق هذا الشئ ؟؟

اللهم حقق لها كل شئ

ولا تحرمها من شئ

فهي بك كل شــــئ

وبدونك لا شــــئ 

ببابك...................ريى

ببابك لن اغادره

ولن اسعى الى غيرك

سأنسج بالرضا ثوبى

واشرف اننى عبدك

واهتف فى جبين الصبح

حين يقال من ربك

الهى خالق الاكوان

لا اسعى الى غيرك

الهى فالق الاصباح

اشرف اننى عبدك

اللهم انى اسالك بعزتك وذلى

اسالك بقوتك وضعفى

اسالك بغناك وفقرى

ان ترحمنى

شاهدت اليوم رحيل ............................رجلا

شاهدت اليوم رحيل رجلا

!!!لا اعلم عنه الكثير اكثر من انه زوجــــــا لعمتــــــى  :(

ليس له معى اى مواقف لا بالسلب ولا بالايجاب سوى انى كنت كل عيد امر كعادتنا ع ديار عزبتنا 

واعيد عليه فينظر الى مبتسما تارة يسلم عليا......... واخرى يقبلنى بحكم انه كبير

عاش عمره يحلم بولد فجاءت اليه البشرى منذ القليل بقدوم الولد الذى ملئ حياته بكل مافيها

وأسماه محمد واصبح ابا لمحمد

فاليوم قد مات ابا محمد ولم يعى محمدا ما هى الحياة وما هو الموت

اول مرة اشاهد جنازة منذ بدايتها

ربما لو مات واهله من حوله مابكيت ولكنه مات غريقا وحيد سارع الموج ولكن لا راد لقضاء الله

رايتهم يصلون عليه فى مسجدا امام عينى صلاة لا ركوع لها ولا سجود

حملوه مغادرين الديار فظللت اترقبهم من بعيد حتى بدا العربات فى الاختفاء

فانهمرت الدموع من عينى واختطفت اخر لقطة له واغمضت عينى عليها

وشردت بعيد بخيالى فتذكرت حديث رسولنا الكريم صلوات الله عليه وسلامه

لا تزول قدما عبدا يوم القيامةحتى يسال عن اربع عن عمره فيما افناه؟؟؟

وعن جسده فيما ابلاه؟؟؟

وعن ماله من اين اخذه وفيما انفقه؟؟؟

وعن علمه ماذا عمل به؟؟؟
 
شردت فى هذه الجمل البسيطة التى تحمل فى طياتها نموذجا لضمان الجنة والنجاة من النار

فماذا فعلت انا فى عشرون عاما؟؟؟

ماذا فعلت بحواسى التى انعم الله بها على؟؟؟

ماذا فعلت بما يقع فى يدى من مال؟؟؟

ماذا فعلت بعلمى؟؟؟ وهل كان خالصا لوجه الله تعالى؟؟؟

فتارة اختلس ابتسامة من وسط دموع عندما اتذكر انى احسنت استخدام نعمة الله

وتارة اخرى تزداد دموعى حزنا على اساءتى لاستخدام نعم ربى

...وظللت هكذا شاردة..... حزينة.... صامتة... وحيدة

فلم يفقنى الا اصوت السيارات وهى عائدة من الدفنة

فنظرت الى العربة التى كان يحمل عليها فاذ بها فارغة

فاقشعر بدنى وانتابتنى رعشة هزت كيانى

!!!لا اعلم لماذا هل كنت انتظر ان ياتى عمو معهم

كنت اريد ان اصرخ فيهم قائلتا لماذا تركتموه وحيدا

ياااااااااااااااااالله سبحانك

نعيش فى هذه الدنيا ظانين انها كل شئ وننسى او نغفل انها لاشئ

انها ليست سوى فترة اختبار صغيرة اما نجحنا فنكون مؤهلين للفوز بالجنة ونعيمها

واما اخذتنا الدنيا بين ثنايها والهتنا بهمومها

اللهم بحقك ربى لاتمتنا الا وانت راض عنا

وارزقنا اللهم حسن الخاتمة

ربى اسالك بكل اسم هو لك انزلته فى كتابك او علمته احد من خلقك او استاثرت به فى علم الغيب عندك
ان تجعل قبره رياضا من الجنة

وتتجاوز سبحانك عن سيئاته

وان تثبته عند السؤال

ونوراللهم قبره بنورك الاعظم

وارزقه اللهم الفردوس الاعلى

امين امين امين

وصلى ربى وسلم على نبيي محمد وعلى اله وصحبه اجمعين

صفحة...........من صفحات الحياة

وانا قعدة النهرده افتكرت موقف جمييييييييل جدا حصل من فترة مش كبيرة

الموقف ده هو ان خالوكان بيصلى الجمعة فى مسجد

!!!وطبعا لا يخفى على احد سرقة الجزم من المساجد

المهم السرقة المرة دى كانت من نصيب خالوا طلع من المسجد ملقيش الجزمة

فبيسال الرجالة اللى خرجين من المسجد لقيهم جريوا وراحوا جابوا راجل ماشى من قفاه

طبعا واضح انهم عرفينه وانه استاذ فى سرقة الجزم

المهم نزلوا فيه ضرب مبرح بالجزمة بتاع خالو

!!!وخالوا قعد يقولوهم خلاص ياجماعة سبوه......يا جماعة انا مسامح

 ولاكان حد سمعه ولا كانه هو صاحب الحق

راح خالو أخد الجزمة وقالهم لو ناويين تضربوه يبقى مش بالجزمة 

وانا مسمحه ومش هبلغ حد ومشى وسبهم وهو مضايق اخر حاجة انهم ضربوه بالجزمة

لانها لاتليق بالصفة الادمية اللى ربناعز وجل كرمنا بيها

*وفى يوم خالوا ماشى بالعربية فى شارع فشاف الراجل *الحرامى بتاع الجزمة نده عليه

فالراجل اول مـ شافه ضحك وقاله انا مبسوط منك جدا انك مرضتشى تخليهم يضربونى بالجزمة

وانا بطلت سرقة خلاص يا باشا

فسالوا خالوا انت كنت هتبيع الجزمة بكام؟؟؟ قالوه ب10جنية

راح خالوا قالوا طيب خد ال 10جنية دى

يعنى انت لو اشتغلت وحاولت تكسب بالحلال

ربنا هيرزقك حتى ولو كان قليل بس اكيد هيبقى فيه لذة تانية وى وى !!

طبعا الله اعلم اذا كان هو بطل سرقة زى مبيقول ولا لأ

بس الاكيد المؤكــد ان المعاملة الخلوقة

سابت فى نفس الراجل ده اثر ايجابى بغض النظر هو تاب ولا لأ

طبعا الموقف ده فكرنى بموقف تانى

كنت قاعدة انا واختى وحدنا فى الشقة

وشاب صغير او صبى دخل عمارتنــا يسرق حاجات من فوق السطح 

المهم جارنا اللى فى الدور الاخير حس بيه طلع طبعا جابه من قفاه

وجره على السلم زى شوال الدرة !!!

ونازل فيه تلطيش طبعا الناس اتجمعت واللى بيبص من البلكونة والكلام ده

وجارنا العزيز  دماغه وميت الف جزمة انه لازم يبلغ البوليس

مفيش مشكلة

مش هقولك ليه مخدتوش على جنب وكلمته بالحسنى وشفت ايييه مشكلته

ولو قدرت تساعده ساعده مهى فلوسك دى مش ملكك دى من عند ربنا

مش هقولك ليه مصدقتش انه فعلا  مخنوق من الدنيا واقل القليل معندوش

 وان وراه علاج عايز يجيبه لوالدته

لان ردك الطبيعى هو*قالوا للحرامى احلف*

بس انا طبعا ردى عليك ان اكيد هو مش بيسرق من فراغ وان لو كان حلفانه غلط

بس الاكيد المؤكد انه عنده ظروف قهرية

بس انا كان نفسى اسالك لما انت ناوى تبلغ البوليس ليه مسحبتش الواد من سكات ووديته القسم

ليه نازل فيه تلطيش وخليته يجيب دم من كل ناحية

من امتى الضرب بيجيب فايدة ولا بيقوم شخص مالت عليه الدنيا

اعتقد ان ضربك ده مبياثرشى فيه لان ضرب الزمن ليه اقوى

اعتقد ان اى ضربه بتوجهاله بتزيد من كرهه للناس والمجتمع

اعتقد من وجهة نظرى انك لو كنت كلمته بالعقل احتمال يجيب معاه نتيجة

بس اكيد كان هيبقالك ثواب

لكن بالضرب مفيش اى احتمال انه يستجيب واكيد مفيش ثواب

واخيرا وليس...............باخر

لما يكون ربنا رحمان رحيم

وستار حليم

ورسولنا كريم

وامرنا ان كل مسلم يستر اخيه المسلم

يبقى عيب اوى علينا كمسلمين اننا نهيـــــن انسان قبل ما يكون حرامى

 ادام كل الناس كده ليه اصلااا الضرب يكون بغباء كده 

فضلا على ذالك

قول رسولنا الكريم صلوات ربى عليه وسلامه

*من ستر مسلما ستره الله يوم القيامة*

وكم نحن بحاجة الى ستر الله يوم لا ظل الا ظله

جالك الموت.................ياتارك الصلاااا

حقا فقد جاءني الموت............... ولكنى لست بتاركة الصلاة

جاءني الموت بقدومك يامن لست ادرى هل انتي خير لي ام شر

جاءني الموت بقدومك يامن كلما تذكرتك انهمرت الدموع من عيني

جاءني الموت بقدومك يا من اخترتك بناء على استخارة  فحسب.....

جاءني الموت بقدومك يامن لم تكوني من ضمن احلامي

 ولم يخطر ببالي لحظة انك من نصيبي

مجبر اخاك لا بطل........... هذا هو شعاري فى كليتي

فنجاحي جبرا منى عنى!!!

باقي الموضـــــــــــوع تم حذفه بالكامل

بعدما انتهيت من كتابة موضوع كامل عن كليتي وعن معاناتي فيها  

كتبتها على ورقٍِِ تركته محل مذاكرتي وانصرفت 

فوقعت فى يد والدي وقراها وحزن لاجلها واتاني متأثرا

افي حقك بنيتي قصرت؟؟

افي حقك تهاونت؟؟

اكان واجب عليا انا افعل شئ ولم افعل؟؟

تساؤلات الهتني فاقبلت عليه ياابتى من قال انك قصرت

 تاللـــــــــــه ابدااا ابدااا ما قصرت

اشهد رب  السماء والارض انك اديت رسالتك على اكملها

ولست ابدااا ملزماا بأن تشترى لي كلية بالمـــــــال

ولست انا من اؤلئك الذين يقبلون شرائها

والقصور منى انا ..........والعيب منى انا 

انا تلك التي تعشق ان تعيش فى دور الضحية ........

انا تلك التي ما ان خذلها تقديرها الا وجلست كصغار العقول

باكية على الاطلال مرددة  ياليتنـــــــى يا ليتنـــــــى!!!

انا تلك الحالمة احلاما فاقت السماء علوا ولم افعل لهـــــــا من البدايـــــة

وان كان مثلك ابتـــــى قد قصر فى حقـــى فمن اذن الذى اكرمني واعزني !!!!!

فبك انا دومااا عزيزة كريمـــــــة

وتركت هذا الحديث تماما

وقطعت على نقسى عهــــــدا الا اعيدها ثانية

واقبلت اكثر اشراقا مما كنت

واذكر انه من وقتها قد بدى رباط بيني وبين كليتي ولم اعد شاكية مرة اخرى

ورجعت مرة اخـــــرى انظر تلك النظرة المتأملة فى مدرجي

 الذى اشبهته سابقا بالمحكمة لضخامته وكبر مساحته

وبخلـــــــدى سؤالى الدائر الحائر دومااا !!!

اتـــــــــرى  كلييتى ماذا انا بصانع بك

فأنا فتاة لا يقتصر طموحها على التخرج فحسب ولكنـــــى اريد ان اكون

 قدوة  لاولادى اريـــــــد ان اراهم فخورين بى ........ فهل لـــــى ؟!!!

لا اعلـــــــم كيف ولكن من يدرى لعل الله يحـــــــــدث امرا تسر له الانفـــــس

نعمة من نعم ........رب الأنعم

نعمة من نعم الله علينا اتدرون ماهى ؟؟.........

يا اللـــــــــه بعد متابعة طويلة جداااااااا للمناظرات التى تعقد مع الشيعة

ايقنت بالله انى فى نعمة ان ظللت عمرى كله حامدة عليها ربما لا اوافى حق الشكر

لو نرجع مع بعض لورا هنفتكر ايام ابتدائى ودرس عباس العقاد

اللى كنت حفظاه زى اسمى

هنفتكر جملة شهيرة جدا جدا كانت عنوان لدرس قراءة

وهى نعم الله لاتعد ولا تحصى

حفظناها وفهمناها ........لانها حقيقة وواقع

متيقنين نحن عباد الله منها

من منا يستطيع ان يحصى نعم الله عز وجل علينا؟؟ هل من مجيب ؟؟

طيلت شهر رمضان المبارك كانت تعرض مناظرة رائعة

بين الشيعة واهل السنة والجماعة

كنت انا من المحظوظين ومن المغتمين فى ذات اللحظة بمتابعتها

كنت كل يوم احمد الله على انى مسلمة ولست مسلمة فحسب

 بل مسلمة من اهل السنة والجماعة

ارانى لست اهلا لان اتكلم عن موضوع بهذة الحساسية

ولكنى فقط لا اكثر ولا اقل اردت ان اذكركم بنعمة من نعم الرحمن علينا

كنت انا لا اتذكرها او بمعنى لا اشعر بقيمتها

فلو خرجت انا فى بيت شيعى اترى كنت ســ افكر وافكر حتى اصل الى الطريق 

الصحيح ام سأبقى على ما انا عليه من افكار راسخة فى ذهن ابى وامى ؟؟؟

واليكم يا سادة جزء ضئيل جدا جدامن بعض ما سمعته

اما الباقى فانى لا استطيع ان اذكره لاسباب معينة


ولكــــــــن تاللـــــــه ما خفى كان اعظم !!!

فهم يؤمنون بتحريف القران وان ابى بكر وعمر رضوان الله عليهما قد حرفا كلام الله

 وقاموا بحذف بعض الايات التى تنص على ان لعلى رضى الله عنه الحق فى ان يخلف 

رسول الله صلى الله عليه وسلم

الانسان ميزه ربى بالعقل فبالعقل فقط لا غير نفكر .............اليس الله بقادر على ان

 يحفظ كلامه بعيدا عن اى تحريف؟؟؟

 بلى والله انه لقادر .........

الم يتفقدوا الايه التى تقول  *انا نحن نزلنا الذكر وانا له لحافظون*

ويقولون ان على رضى الله عنه وحده هو الذى احتفظ بكتاب الله 

الغير محرف واعطاه لامام صالح

الذى دخل فى سرداب هروبا من اهل السنة الذين كانوا يريدون قتله 

وسوف يخرج فى يوم ما من هذا السرداب ويحيي ابو بكر وعمر

 وينفذ عليهما الحد ويقوم بقتل كل اهل السنة

فهم يقولون ان ارادة الله كانت تتجه لان يكون على رضوان الله عليه هو خليفة الله فى 

الارض ولكن الوحى قد اخطا ونزل على جدنا الحبيب محمد صلوات ربى عليه وسلامه

وعندما توفى الرسول الكريم صلى الله عليه وسلم كان على رضى الله عنه احق بان 

يخلف رسول الله

ف باللـــه هل من مصدقا لما اقول؟؟؟ عفوا لما يقول هؤلاء الشيعة

بالعقل نفكر معا مرة اخـــــــرى قال الله تعالى فى كتابه

*يا داوود انا جعلناك خليفة فى الارض*.................فاين على  رضى الله عنه من هذا؟؟؟؟!!!

اين نجد فى كتاب الله ......ياعلى انا جعلناك خليفة فى الارض..مثلا

فايات الرحمن تحمل الكثير والكثير من الاسماء فمنهم مايخص زيد رضى الله عنه 

ومريم ابنة عمران وغيرهما الكثير وبالتالى فان كانت ارادة الله تتجه نحو

 ان يكون على رضى الله عنه خليفة الله فى الارض او خليفة رسول الله

فلن يستطع ان يمنع هذة  الارادة انس او جان

فعلى الرغم من ان الشيعة مقتنعين بموقفهم حتى النخاع الا انه  يتكشف لك من 

كلامهمانهم اساتذة فى اساليب اللف والدوران

فلا تستطيع ان تخرج منهم باجابة محددة واضحة

ترضى علامات الاستفهام التى تدور فى عقولنا

فضلا على ان الصلاة ليست من اركان الاسلام عندهم

فالصلاة عندنا عماد الدين وعندهم ليست ركنا من اركان الاسلام....

وعجبــــــــى

والعجب كل العجب ياسادة عندما نجدهم يتناقضون فى القول فتارة يقولون ان عمر 

وابى بكر اصحاب الرسول وانهم يحبونهم

وتارة اخرى يقولون انهم كفرة!!! معاذ الله

فكيف للمبشرون بالجنة ان يكونوا كفرة

فكيف يقولون على الفاروق الذى فرق الله بينه وبين الشيطان واذا صار فى طريق 

صارالشيطان فى اخر انه كافرا

فكيف يقولون ان صديق الصديق الامين انه كافرا الا يعلمون انه رفيق حبيب الله

اقول لكم شئ ولا احتاج تعليق عليه يقولون فى كتبهم التى عرضها الشيخ علينا

انه يجب عليهم ان يقرأوا ايه الكرسى اثناء..........



يقولون ان رسول الله صلى الله علية وسلم قبل مماته امر

 ان يحضروا له قلم وقرطاس كى يوصى بالخلافة لعلى

 فنهاه عمر رضوان الله عليه عن ذالك

فهل هذا يعقل ايجرؤ اى شخص خلق على وجه الارض

 ان يمنع رسولنا الكريم من ان ياتى عملا يرى فيه صلاحا للمسلمين

ناهيك عن ذالك

فهل يعقل ان يكون على رضوان الله عليه فارس الفرسان جباااااااان!!!معاذ الله


فلماذا بايع ابى بكر على الخلافة هل ذالك عن جبن ام اقتناع؟؟؟

بالتاكيد انه عن اقتناع لاننا علمنا عن على رضوان الله عليه الشجاعة منذ ان كان 

صغيرا ونام فى فراش رسولنا الامين صلى الله عليه وسلم

سمعتوا من الشيخ ان الشيعة اشدوا خطرا على الاسلام من اليهود والنصارى

انا شخصيا لم اتعجب عندما سمعته يقول ذالك لانى اشعروا بذالك


واعلم ان كلامى هذا لايوازى صفرا على الشمال من واقع وحقيقة مريرة

ولكنى اجتهت واجتهادى على الله لاذكركم بنعمة كنت لا اعرفها من بين انعم الله

ربما يستيقظ احدكم يوما فيحمد الله فاخذ ثوابا بحاجة اليه

والسلام عليكم ورحمة الله وبركاته

كل يوم وانا معاكم ................الف والف عيد

حبببتى عيلتى بعشقها وبعشق كل واحد فيها من اصغرهم لا كبرهم 

ومش متخيلة انى اقدر اعيش من غيرهم

كل عيد من يوم متولدت واحنا متعودين اننا نصحى الساعة 4 الفجر 

اذا نمنا اساسا نبدا نلبس ونمشى على 5.30ص

بالعربية فى الطريق لعزبتنا

وطول الطريق الى هو مش كبير اساسا بنفضل نقول تكبيرة العيد 

بصوت عالى ......الله اكبر الله اكبر الله اكبر لا اله الا الله

................الله اكبر الله اكبر ولله الحمد

وغالبا بنتقابل كلنا بالعربيات عند مدخل العزبة

انه ديما تقولنا متدخلوش بالعربيات مع بعض اصلها بتخاف من الحسد!!!

 عشان بنكون كتييييييييييير اوى

بس والله عندها حق
 
العزبة دى اساسا بتاع جد بابا وماما ومش كبيرة خالص

بس احلى ما فيها انك بتبقى حاسس بامان

وانت ماشى فيها لان كل البيوت الى فيها قريبى بغص النظر عن صلة القرابة

!!! يعنى كل واحد ماشى بقوله يا عمى يا جدى........مع انى معرفشى 

هو يقرب ليه ايييييه اساسا

واجمل ما فيها ان فيها اهل بابا وماما لانهم قرايب

بعد صلاة العيد تبدا حملة الصواريخ بمختلف انوعها واشكالها

كل عيد اقول خلاص يا بت انتى كبرتى بقى وسيبك من شغل العيال

 والصواريخ بس صراحة مبقدرشى اقاوم

ونبدا بقى نلف فى العزبة بيت بيت ونعيش بقى

الاختلاف الوحيد فى العيد ده ان اخويا مش معانا لانه مسافر

 ربنا يوفقك يا حمودى

هو انا بجد ارتحت من التصوير اللى كنت بتخلينى اصوره ليك كل عيد وسط الزرع والارض

بس اطمن مصورتش حد خااااالص لانى مقدرشى اصور غيرك يا فنان

.وحشتنى يا احمد

وبعدين نرجع ناكل رنجة اوسمك والكلام ده

بيبدا اليوم يتاكل حتة حتة وانا فى منتهى السعادة لحد مييجى وقت المرواح

 والاجانب طبعا مش عيزة تروح :))

بس اكتر لحظة مبحبهاش فى اليوم ده من وانا صغيرة لحد النهرده 

هو وانا مروحة بحس ان اليوم ده مش هيتعوض

وبيبقى يوم خرافى بس بجد والله انا اى يوم اتجمع فيه انا وعيلتى 

بيبقى عندى عييييد

وبعدين اجى الفيوم بقى اخرج انا واصحابى البناويت ونروح النادى

وخلاااااااااااااص بيخلص العيد اللى ديما وابدا ان شاء الله سعيد

ويلا بقى

ببيااااااااااااااااااااااااااااى

النهارده وانا مشيه فى وسط البلد شفت مشهد صغير من مشاهد الحياة

.......المشهد ده دور فى دماغى مية سؤال وسؤال

هل الانسان ممكن فى لحظة يفقد الاحساس بالحياة ؟؟؟ يعنى حياته تشبه مماته

 يعنى سئم الحياة بكل معانيها

شفت النهردة ولد صغير عنده حوالى 12,11 سنه لابس لبس بسيط جدا جدا

!!ّ! بيخطى خطوة خطوة على سور بحر يوسف ال سمكه يكفى بالكاد رجل وحده 

وماسك فى فرع من فروع شجرة وعمال يمشى على السور 

بيدور على ايييييه......... الله اعلم !!!

بس انا مش فهمه هى دى جرئة !!ولا الولد ده بيحاول يثبت لنفسه حاجة

يثبت لنفسه انه اقوى من اى ظروف وانه شجاع ومبيخفشى من قهر الدنيا


حسيت وهو ماشى انه لقى الحياة مرة وبرده الموت مر فقال اما اجرب حظى وقعد يقول

*حادى بادى كرنب زبادى شالو وحطواااااا كله علادى*

!!!بس يا ترى علادى دى هتكون فين فى البحر ولا البر الله اعلم

انا بضايق من الدنيا والظروف ساعات واقول اللهم اذا كان الموت خيرا لى 

فامتنى واذا كانت الحياة خيرا لى فاحينى

بس برجع وافتكر ابويا وامى واخواتى والنعم الى ربنا مدهالى واحلامى المشروعة 

اللي ان شاء الله هحققها فاتفاءل من تانى

!!!ياترى الولد ده مش مفكر حتى فى دمعة امه ولا هو اساسا ملوش اهل

بس اغرب حاجة انى لما شفته محستشى بالامان 

لان الشارع كان مليان على اخره بالرجالة ومفيش حد قرب ونزله

حسيت انهم ماشيين فى جنازة كل واحد سرحان فى همه 

ومعندوش استعداد يبص من حواليه

او انهم حاسين ان احنا كترنا اوى فى البلد وكترت مشاكلنا فاليموت يموت

 اهه هيفضى مكان لغيره وييجى غيره فى مجتمع فيه

 *من لم يزد فى المجتمع فهو زيادة عليه*

يلاقى نفسه زيادة فيغادرها ويرحل عنها بعيد

وهو مش زيادة لانه فشل انه يزيد لمجتمعه هو زيادة لان مجتمعه مدلوش فرصة يثبت قدراته

يا خسارة يا مصر يا حببتى كل يوم على الاقل بتخديلك مليون دعوة عليك

مع انك ملكيش ذنب فى حاجة ولا قولتى للغنى اسرق ولا للفقير اتعفف

بس نصيبك كده ان 10%من البلد يكلوها والعة

و40%عيشين تحت خط الفقر

و50%بيقولوا يا حيطة دارينا

وفى نهاية من لستوا ارى له نهاية واضحة

انتهيت من هذا الشارع الكئيب واغلقتوا الصفحة وفتحتوا صفحة جديدة من صفحات الحياة

تعمل ايه؟؟؟؟؟؟ تسيب ابنها يموت ...............ولا تدور على البيوت

مش عرفة ابتدى من فين ولا القصة دى هتنتهى على ايه؟؟؟ ياااااااااارب خير

يمكن اكون سمعتها او اتحكالى عن قصة مشابهة لكن اعاصرها لا والله :|

بس اصعب ما فيها ان الجانى هو الى يكون مستحوز على كل استعطافك!!!

القصة بتبدأ من ام بتصلى معانا الترويح فى مسجد كبير فى الفيوم

الام دى اشتغلت فى مجال الدعوة الاسلامية لمدة14سنة ومعروفة جدا فى المسجد

 وكل ادراة المسجد تعرفها تقريبا

المهم لظروف امنية*امن الدولة* الام دى انقطعت عن التدريس بالمسجد

 لكن بتتردد عليه كتير

الام دى مستورة الحال يعنى بتعيش اليوم بيومه 

حصلت مشكله بين جوزها وجيرانه بسبب القاء الجيران للقمامة

المهم المشكلة بدات بمشادة كلامية  وتطورت لخناقة وانتهت بقتيل

واليكم ياسادة العرض التالى

اثناء الخناقة تدخل طرف تالت لديه مشكلة مع جيران الام  قام بطعن احد افراد جيران الام

 بسكينة فوقع على الارض وقبضت روحه وانتقلت الى بارئها 

وراح ضحية القمامة !!!!!!!!

هتقولوا دلوقتى وفين المشكلة وايه دخل الام ده الطرف التالت هو الى قتل....

هرد عليكم اهه

لان الطرف التالت عنده اقارب كتير فى الشرطة  ولان اهل القتيل

مش هيعرفوا يخدوا معاهم ولا حق ولا باطل ولا تعويض ولاغيره *على حد قول الام*

ولان اهل القتيل مش عايزين يخرجوا من الجنازة *بدون حمص*

*قالوا للام دى لو مدفعتيش 100 الف جنية هنشهد ان ابنك هو اللى قتل

*لا حولة ولا قوة الا بالله العلى العظيم

لو رجعنا بالذاكرة لورا شوية هنفتكر اهالى ضحايا العبارة السلام98

 هنلاقيهم مرضيوش يخدوا تعويض من الحكومة

لانهم مبيقبلوش تعويض من العباد لان رب العباد موجود مع ان ده حقهم

هنعرف الفرق الكبييييييييييييير بين العقليتين

تعرفوا ابنها ده عنده كام سنة؟؟؟20 سنة يعنى فى عمرى موجود وسط مجرمين !!

والدتـــــه بتحكى انه 

ممنوع يصلى او يصوم ولو صلى او صام ينضرب من المساجين*وما خفى كان اعظم*

*وللاسف الشديد الولد ده انتقل للمستشفى من ايام مقدرشى يتحمل مرار السجن

المهم الام تعمل ايييييييييييه تسيب ابنها يموت ؟؟؟؟؟؟؟؟؟؟؟؟؟ ولا تدور على البيوت

الام مقدرتشى تسيب ابنها يموت ودارت على البيوت وقالت ...وحكت... وبكت...

بس برده معرفتشى تجمع المبلغ

وبعد مهاترات وبكاء وصريخ وعويل من الام لجيرانها نزل المبلغ لــ 50 الف جنية

بس برده فى مشكلة لانها ليس لديها فى هذة الدنيا سوى 30 الف جنيه

اكتر حاجة اثرت فيا وهى بتقول فى المسجد ان عمرها مخدت فلوس من حد

 وانها ديما ربنا سترها ...... وكانت العبرات رفيقة لكلماتها

*وكمان بتقول لو ابنها خرج هيخرج مريض نفسيا 

لانه بيموت كل لحظة بيعيشها فى السجن*لا اله الا الله

القصة دى بكل صراحة على الرغم من انى سمعتها من الام نفسها واكد عليها

 كل الى يعرفوها فى المسجد اوفعلااا فى مساعى جادة من جانب ادارة المسجد

 لجمع المبلغ 

الا ان فيها جانب خفى او غامض وهو حقيقة وجود طرف تالت من عدمه

*هل الابن هو القاتل ام لا

ولكن سوف اعرض عليكم وجهة نظرى البسيطة

فكلا منا يضع نفسه مكان هذا الولد الذى يبلغ من العمرعشرون عاما

 واباه ضرب امامه ونقل الى المستشفى

فربما استفزه هذا الموقف فغاب عقله امام وجود ابيه طريحا على الارض 

فقام بطعن الجار

ولكن فى كل الأحوال فان تعاطفى مع هذا الولد يسبق كل الاحتمالات

على الرغم من علمى بان الجريمة لاتبرر

وقف القلم عند هذا الحد  فى انتظار حكم الله 

وليس بيديا سوى ان ادعو العلى القدير له كلما تذكرته

والسلام عليكم ورحمة الله تعالى وبركاته

عمنا................صلاح جاهين

بحرالحياة مليان بغرقى الحياة

صرخت خش الموج فى حلقى ملاه

قارب نجاه صرخت........قارب نجاة

قالو مفيش غير هو الحب قارب نجاة

!!!وعجبى

ياباب يا مقفول.....أمتى الدخول

صبرت ياما والى يصبر ينول

دقيت سنين والرد يرجع لى مين؟؟؟

لو كنت عارف مين انا اقول

!!!وعجبى

ياسك وصبرك بين ايديك وانت حر

تياس ما تياس الحياة راح تمر

انا دلوقتى من ده ومن ده وعجبى

لقيت الصبرمر وبرضه الياس مر

!!!وعجبى

انشد ياقلبى غنوتك للجمال

وارقص فى صدرى من اليمين للشمال

ماهوش بعيد تفضل لبكرة سعيد

ده كل يوم فيه الف الف احتمال

!!!وعجبى

لو فيه سلام فى الارض واطمئنان وامان

لو كان مفيش ولا فقر ولا خوف ولا جبن

لو يملك الانسان مصير كل شئ

اناكنت اجيب للدنيا ميت الف ابن

!!!وعجبى

جالك اوان وعرفت مشى الجنايز

كيف شفتها ياعبدرب اللذايذ

قال:شفت شيل بالحيل فقيراوامير

كما شالوا فى الحماميرفواضى القزايز

!!!وعجبى

مرات افوق ويحل عنى غبايا

وافتكر انى فهمت كل الخبايا

وافتح شفايفى عشان اقول الدرر

مأقولشى غيرحبة غزل فى الصبايا

!!!وعجبى

ولدى نصحتك لماصوتى اتنبح

متخفشى من جنى ولامن شبح

وان هب فيك عفريت قتيل اساله

مادفعش ليه عن نفسه يوم ما اندبح

!!!وعجبى

اناقلبى كان شخشيخة اصبح جرس

جلجلت بيه صحيوا الخدم والحرس

انا المهرج وخفتوا ليه وقمتوا ليه

لا فى ايدى سيف ولا تحت منى فرس

!!!وعجبى

يا طيرياعالى فى السماطظ فيك

ما تفتكرشى ربنا مصطفيك

برضك بتاكل دود وللطين تعود

تمص فيك يا حلو...ويمص فيك

!!!وعجبى

ياحزين ياقمقم تحت بحور الضياع

حزين انا زيك وايه مستطاع

الحزن مابقالهوش جلال ياجدع

الحزن زى البرد....زى الصداع

!!!وعجبى

يامشرط الجراح امانة عليك

وانت فى حشايا تبص من حواليك

فى نقطة سوده فى قلبى بدأت تبان

شيلها كمان.....والفضل يرجع ليك

!!!وعجبى

...اناشاب لكن عمرى الف عام

وحيد لكن بين ضلوعى رخام

خايف ولكن خوفى منى انا

...اخرس ولكن قلبى مليان كلام

!!!وعجبى

صلاح جاهين

قصــــــة حب

اليك يامن اخصه بحب لم ولن استطع ان أصفه

اليك انت يامن تفرح لفرحى وينفطر قلبه لحزنى
 

يامن اذا ضاقت بيا الدنيا وجدت قلبه يسمعنى قبل اذنه
 

ووجدت عينه تحضننى بدفئ
 

ووجدت يده تمسح دمعى
 

أبــــى وعمرى ربما لم استطع ان اوفيك جزء من حقك فانت الشئ الوحيد فى حياتى 

الذى اغبط نفسى عليه
 

وكلما ضاقت بيا الدنيا وحالفنى سوء الحظ تذكرت انى منعمة بك وبحبك الذى احظى

 به من بين اخوتى فتهون الدنيا على....
 

اتذكر ابى يوم ان كان عمرى اعوام معدودة  وسافرت انت

 كنت ترسل وتقول*وحشتينى يا صغيرتى*
 

فاليوم ابى صغيرتك كبرت واكملت من العمر اعواما ولكنك مازلت تنادينى صغيرتى 

وتكتبنى صغيرتى :))
 

اتذكر ابى يوم ان حصلت على امتياز فانت اول من خبرتك وانت فى عملك اذكر الان 

نبرة صوتك والفرحة التى احسست بها فيه وعندما قدمت الى قلت انك سجدت وبكيت
 

فياليتنى يا عمرى استطع ان افرحك دوما واسعد قلبك وارسم بسمة على شفاتك 

واكون لك فخــــــرا وذخرا كما انت لى دومااا
 

لا اعلم كيف........... ولكن توكلى على الله يسبق واقعى
 

اتعلم ابى ماالذى يميزك عن اى شخص يحبنى انك تحبنى كما انا سواء نجحت ام 

فشلت تحبنى فى كل حالاتى وسكناتى
 

اترى سأجد يوما من يحبنى مثل حبك يحبنى كما انا الله اعلم
 

سامحنى  ان كنت اخطأت فى حقك يوما ولم احقق لك حلما ولكن ربى يعلم ان ما 

يشغل خاطرى
 

هو رسمة بسمة على شفاك ورؤية دمعة فرحة تتلألأ فى عينيك
 

ابى ادعو الله لى ان يسخرنى لخدمة دينه وانا اكون مسلمة صالحة نافعة

 وان يسعدنى الله فى مستقبلى ويجعله سبحانه افضل من حاضرى
 

وادعو لك العلى القدير ان يرزقك العليين وقصرا بجوار سيد الخلق اجمعين

 ويجعلك ربى من المقربين
 

امين امين
 

وصلى ربى وسلم على نبيي محمد وسلم تسليما كبيرا

*mo2aaa*