ايهــــــــــا الناس اسمعوااا واعووووا
قادم اخــــى ....... بمعنى اخر اخى انا قادم ....بمعنى اوضح وادق سيأتى اخى من سفره
عذرا ربما كلامى غير واضح من فرحتــــى بس بأخنصار احمد باشا جااااى الى ارض الوطن ارض المحروسة
يوم الاحد القادم بعد صلاة العصر
ازاى ده ؟ مش لسه مسافر
طيب هيقعد اد ايـــــة ؟
انا : هقولك حاجة حلوة يا احمد حصلت امبارح كذا كذا
احمد: مبروووك انا جاى يوم الاحد احتفل معاكى بعد صلاة العصر
انا : لاياراجل طيب هحضرلك عباية الصلا
احمد : بتتريفى طيب والله لجيلك الاحد ان شاء الله احتفل معاكى قولى عايزة هدية اية
انا : عااايزة عااايزة عااايزة .... مش عارفة ف اية يا احمد انت سبت الشغل
احمد : هههههههههه بهرج معاكى اقصد الاحد ل 2014
انا : ايووووووون كده ياباشا اعدل والله قلقت قولت حصل حاجة ف الشغل
احمد : نادى بابا اكلمه
بابا : اذيك ياحبيبى
احمد : انا نازل يوم الاحد يابابا من الامارات ليوم واحد هقعد معاكم الاحد بس
بابا ازااااى ده !!
احمد شغل يا والدى
يلا قول لماما تجهز المحشى وشوفوا عايزين اية وقولولى
ولووووووووووول
قادم اخـــى ...... اخـــى قادم ان شاء الله تعالى
يارب فرحتين فى يومين متتاليين :))
يــــــــارب راضى اخواتى وارضى عنهم
واجعلنا قرة اعين لوالدينا
ولا ترهم فينا بأسا ابدااااا
اللهم يـــــــاربى ارنى سعادة فى اعين والدى وبعدها لاحاجة لى بعمرى كلـــــــــه
انا : بـــــــابــــــــــا وطى التليفزيون ع الاخبار دى مش عارفة اذاكر
يــا لميا وطى الجهاز ع القران يابنتى مش عارفة اركز
ياجماعة والله حرام كده يابابا يابابا وطى يييييييييييييييه يابابا سامعنى
لميــا : الحق يابابا دى بتزعقلك
بابا: لااا استحالة دى اسماء دى ملح وسكر البيت
لمياا: ياربى عليك مش هتتغير خالص يابابا
لمياء:( موطية صوتها ) اسمااااء اسماااء بابا بيقول انه اتخنق منك ومش عارف يسمع منك حاجة وانه حاسس انه محبوس بسببك
اسماء : هيهيهيهيهيهيه( ضحكة باستخفاف) ابويا يقول عليا كده اجرى ياشاطرة
ماما : مقدمة عليا من جوه
يابنتى انا اللى اعرفه الواحد يقعد ف اوضته يذاكر لكن تبقى قاعدة ف الصالة كده ومراقبة اللى رايح واللى جاى دى مش اسمها مذاكرة اصلااا انتى بتضحكى ع نفسك
بهدلتى المكان حرام عليكى واية ورق الانجليزى بتاع ثانوى ده مطلعاه ليه بهدلتى الانتريه والصفرة
يا اسماء مش كده يابنتى والله حرام انا الصالة دى اخدت 3 ساعات تنضيف ده يرضى ربنا ده اللى بتعملوه فيا
ولاحد بيساعدنى خالص
والله انتو هتتحسبوا
انا : ( مع بحليقة كبيرة ) اية اللى بتقوليه ده بتدعى عليا ياباااااااباا يابااااااااابا تعالى شوف امى بتدعى عليا بتقولى هتتحسبوا عليا... يعنى ربنا غاضب عليا
بابا ف طريقة للصالة وانا شغالة كلام
تعالوا شوفوا ياناس ياللى بتقولولى بتحبى ابوكى اكتر ليه ده لو بابا مكانك عمره عمره مايقولى كلمة ذى دى
ماما : تضحك هههههههه
بابا :( مع ابتسامته البربرية ) ليه كده يا ... ( اسم امى) تقوللها كلمة فظيعة ذى دى
امى بتبص باسبهلال فيه اية لا واللـــــــــه ماشى يا اسماء استقوى اكتر
بابا: ( مستغل فرصة تمجيدى فيه ) يملس ع شعرى اللى اصلا مبيكنشى متسرح
ويقولى حببتى يابنتى لو بايدى مخلكيش تذاكرى والله خالص حرام الوقت اللى بتضيعيه بعيد عنى ( انا مع بحليقة وفى سرى لا والله فعلا فعلا تصدق هصدق انا كده)
بابا مكمل كلامه : انا هدخل اقفل البيبان عليهم وهوطى التليفزيون خااااالص
انا بقى امسك خدوده عثل عثل يانااااااااس وهو يخبى خدوده منى بايديه مع ابتسامته العثـــل يانهار عثل ع العثل اللى متعسل بيه يا والدى ياعثل
يدخل بابا يقفل الباب علي محمد ولمياء حيث القران وعليه حيث التليفزيون والاخبار
وهو بالظبــــــــــــط ثوانى معدودة وكأن شيئا لم يكن
محمد يخرج من الاوضة سايب الباب ع الجهاز مفتوح للحمام
ويخرج يفتح ع بابا اوضته
محمد : بقولك يابابا مش هتريحنى من مشاوير كل يوم ب العربية دى
بابا متنرفز : خلاص يامحمد اركب موصلات بعصايتى دى
وهوباااااااااااا تخرج اختى يامحمد كفايا سبته امبارح اصلااااااا لو احمدعرف ان بابا ركب مواصلات هيبهدل الدنيا
محمد : متمتما حلوة شغلانة السواق دى مستكملا واظن بردوا ان مشاوير افراحك انتى واختك دى مش مسئول عنها
لمياء : يابنى دى مسئولية عليك وبعدين بتتعب ف اية اصلا هو انت شايلنا ع رجليك وبعدين يابابا مش قولتلك هات ( عم ميلاد ) يعلمنا السواقة
محمد مستنكرا : ادى دقنى ان اتعلمتى حاجة انتى واختك اصلا انتو اخدتوا ع مشورتى لكن والله انا ماهوصل حد بعد كده وكفايا مستحمل مشاوير بابا اللى مبتخلصشى
انــــــا ورا ضهرهم: ( وبكون خلاص فعلا طلعت من شعورى ) لا والله فعلا فعلا اللى بيحصلى ده طبيعى
يعنى بجد لامؤاخذة كده عااااادى بعد الصوات اللى صوته ده كله ميجبش نتيجة
بقالكم ساعة ياظلمه بتردوا ع بعض يعنى اعمل اية هه اعمل اية اشوف ليا سكن مغتربات مثلا
لميا : ياشيخة روحى
محمد : يابنتى انتى بقالك 50سنة بتذاكرى ومفيش جديد عاتشى يعنى عاتشى
انا : والله انا ماهقعد فى بيت المجانين ده انا هلم هدومى واسيب البيت انا رايحة العزبة بكرة
هذا بيتـــــــى وانا جداااااا احبه
15|4|2013
رقم 44
الميعاد 10.5 صباحا
بنادى هيئة قضايا الدولة _ الزمالك
مش عارفة ليه المقابلة دى عملت ليا اشراقة فى قلبى
وختمت بخير حلو اوووى الساعة 10 مساء
مكنتش متخيلة ان اليوم هيكون روووعة كده
بعكس تماااما يوم مقابلة النيابة الادارية اللى حسيت فيها اننا طلبة وقدام مكتب شئون الطلاب
ف اليوم ده حسيت اننا اعضاء ف السلك القضائى مش مجرد طلبة جايين يعملوا مقابلة
كل الشباب والبنات ماشاء الله كانوا بدل وحاجة فخيمة كده
وقاعدين ف نادى ع النيل ومستشارين تعاملهم رووووعة قمة ف الاحترام والاخلاق
ف اليوم ده رحت المقابلة مع خالو بس
مكنتش عاملة حسابى خالص ان خالو هييجى معايا
كل شوية يبصلى وانا بذاكر يقولى حفظتى ياماما ويضحك بيتريق عليا ديما شايف نظام مذاكرتى غلط وانى بحفظ
وان هو من اوائل حقوق القاهرة لكن مذاكرته كانت قراءة وفهم بس
اللى اسعدنى اكتر ف اليوم ده هو انه حلو تلاقى حد مهتم بيك بيلف حواليك
خالو كان معايا وعمال يدينى ف تعليمات
ويقولى خليكى واثقة كده وجدعة واوعى مش تجاوبى ف يغمى عليكى وطبعاا دى الوصية اللى بيوصيها ليه فى كل مقابلة وانا ااكدله انه طبعااااا هكون عادية جداااا وان ده نصيب بحت
بس من جوايا خوف رهيــب كل ما يمر الوقت كل ما اتعلق اكتر ب الحياة دى
خالو وافق يسبنى اروح ف ميكروباص الفيوم مع صحابى وبدأ النادى يخف من زحمة الطلبة شوية شوية وبدأت اتحرك بحرية واتصور بقى
وماشاء الله صحابى مبيسكتوش اللى تقولى يييييييه البدلة مرفعاكى اوووووى انتى سالته كده ليه
واللى تقولى انتى هتدخلى للمستشارين من هنا وهما يقولولك اطلعى ياشاطرة انتى لسه صغيرة ع المقابلات
ارفونى صراحة بنات عثــــــل يعنى
وطلعت من النادى مع اذان العصر وقعدت الف فى شوارع الزمالك
مش عارفة ليه كل اللى قابلتهم اجانب هى الزمالك دى مش تبع مصر بردوا
وانا خارجة من باب النادى قولت الحمدلله تعالــــــى
الحمدلله ان ربنا رزقنى متعة يوم ذى ده حتى ولو مليش نصيب انى اكون من اعضاءه
متشكرة ياخالو جدااااااا جدااااا ويارب يراضيك ويرضى عنك وتشوف الخير فى اولادك
وقد مر يومـــــى كريمــــا
*ملحوظة صغيرة *
ف يوم من الايام من كام سنة مش عارفة عددها كتبت هنا انى جدااااا مضايقة من كليتى
وانا بكتب كنت بقول ف نفسى الف مرة ياترى هقدر اجيب تقدير * جيدجدا*
كانت اقصى طموحاتى التقدير كنت حساه هيفتح كل الابواب وقد كان وجبته
ولما مريت ع كتابتى السابقة حسيت انى حققت حاجة كان نفسى فيها فابتسمت وقولت الحمدلله تعالى
يـــــــــارب بعد فترة اعدى ع كتابى ده واكون حققت حاجة فى النفس وابتسم واقول الحمدلله وامضــــــى فى حلم جديد
الساعة 10 مساء بتاريخ 15|4|2013
حاولت ادونها بكل الطرق
ياجبار الخواطر اجبر بخاطرى
دعوة كتيـــــر بدعيها
ياللــــــــــه ع فرحة حلـــــوة فى قلبــــــى
ياللــــــه ياعالم بغلبى
يــــــــاربى خليك جنبى
يـــــــــارب ابداااااااا متسبنى
يــــــــــارب جدااااااااا محتاجة ليك
يـــــــــارب جدااااااا شكراااااا
يـــــــــارب تبقى بداية لامور عـــــدة
اللهـــــم قنى شر عبـــــادك
شكــــــــرا والف شكـــــر لاجدع صحاب وارخم فى نفس ذات اللحظة
اجدع عشان انقذتوا مدونتى بنت عمـــــرى من الغلق ومصادرة كل محتواها
وارخم لانكم تعبتونى اووووووى عشان تدخلوا المدونة كان ناقص ابوس ايدكم كل يوم او بمعنى بوست فعلاا
مرة وحدة تقولى النت مهنج... والتانية بكلم خطيبى دلوقت فكك بقى.... والتالته احنا مش هنخلص من هرى كل يوم ده والله ما انا داخلة وى وى وى صراحة سمعت كلام ذى الفل لدرجة انى كنت بدمع من الانبهار اللى حسيته فيكم لما دخلوا المدونة :))
بس ميضرش المهم تحقق الهدف ووصلنا ل 4404 زيارة
جدااااااا شكراااااا ليكم يا بناويت عمرى
وبما انكم مش هتشوفوا البوست ده ف اشتم براحتى واحب اقولكم انى
اصلااااا بفضل الله مش محتاجة لامثالكم تانى عشان الزيارات هتيجى من جوجل :P
ومن مكانـــى هذا احب اقولك يا مـــــروتى ياللى انا واثقة انك مش هتشوفى رسالتى دى
انى بجـــــــــــد ف الله احببتـــــك
وعلى راى عمو حازم صلاح ابواسماعيل انا سعيـــــــدة بمعرفتك وغنية بيها
مش عارفة هكتب هنا تانى ولا لأ ياترى ده اخر منشور وهرجع ع 2014 كعادتى ولا هدخل واسجل يوميات فيها اروع ذكريات
حاسة انى بقيت بسيب كل حاجة بحبها الايام دى بس اكيـــــــــــد مش هسيب الدنيا لانى مبحبهاش
والســـــــــــلام وان لم يكن ختاما ابدياااا ف على الاقل الليلة ......
الســــــــلام عليكم
اكتر مكان بلا منازع غالى على قلبــــــى
انا عندى مشكلة بعانى منها جدااااااا هو ارتباطى بالاشخاص وبالامكان بشكل مرضى
صعب جداااااا اسيب حد ارتبطت بيه او اخدت عليه وده بيعملى مشكلة ع نطاق الصداقة عمرى ما اخدت قرار انى اقاطع بنت او اخاصمها ابداااا ديماااا ابعد نفسى لكن بخلى فى وصلة مستمرة بينا لانى من الاخر بخاف ع الذكريات تندثر
نرجع لموضوعنا
للجروب ده فضل عليا مش طبيعى فعلااا حسيت فيه ان حقوق كلية العباقرة ماشاء الله الطلبة اغلبهم مناقشاتهم واعية ناضجة كتيـــــــــر كانوا يتناقشوا فى حاجات مش عارفاها فأجرى ع بابا وافهم منه الموضوع كويس واحكم من وجهة نظرى واتناقش
على المستوى السياسى الثقافى كلـــــه
زمان كذا حد قالى ياسمسم واستهبال وكده فقررت اطلع من الجروب ب الاكونت وادخل باسم دينى شوية وطبعااااااا مش لقيت افضل من اسم مدونتى بنت عمـــــرى
وانا بعمل مغادرة من اكونتى الاول كنت مضايقة جدااااااا كنت حاسة كل الناس عرفانى وبتحترمنى وبنت ليا قدر كبير معقولة اموت الاسم كده !! ..... بس ف النهاية قد كان بس مش هقدر اوصف شعورى وانا بضغط ع خانة المغادرة على الرغم انى هدخل ب اكونت واسم تانى
امبـــــــارح بقى بعد فترة طويلة جدااااا من التفكير يمكن 4 شهور قررت اعيد نفس التجربة مع اختلاف رفضى التام انى ادخل ب اى اكونت تانى مش عايزة اتتبع اى منشورات خلاص
مش لانى كرهت المكان ابدااا خالص مينفعشى اكرهه انا مريضة بيه
لكن لانى اخدت قرار انه مش هدخل اى جروبات ومش هيبقى ف اى تعامل
مع اى حد بشكل مباشر كده
هحكى الاول على احلامى ف الجروب وبعدها هحكى ع شعور المغادرة
كان كتيـــــــــــر جدااااا بحلم بيوم الماجستير وانى هعمل للطلبة تذكار شهادة حلوة باسم كل طالب ب الفوتوشوب وانزلهاع الجروب واكتب لاتنسونا
كنت بحلم ب الاوقات اللى ننتظر فيها التحريات او التعيينات
ميــــــــــن هيتعين ف السلك القضائى .... مين ربنا كاتبله الخير فى مكان تانى
وكنت بحلم بيوم خطوبتى اللى كنت هعمله مختلف ومش هخلى حد ينزل ع الجروب ويقول مبروك ل قبس
لا ابداااااااا ابسلوتلى كنت انا اللى هدخل واقول انا سعيـــــــــدة ............. واكمل
وكنت بحلم انى افضل فيه ع طول وانزل مباركة لكل ولد وبنت من الجروب ده
وكان يضرب فى دماغى اوقات واقول اه لو عدى كده كام سنة ونلاقى كل واحد غير صورة اللوجو بتاعته وخلاها ب صورة البيبــــى بتاعه واكيــــد انا هدخل اتلصص واقعد اتفرج ع النونو بتاع كل واحد
احـــــــلامى كانت كتيـــــــرة وبتزيد بطول المــــــدة :))
المهم امبارح قررت اعمل المغادرة رغمااا عن انف صحبتى فاطمة واصريت واصرت واصريت وقد كان
لحظة عمل المغادرة مش قادرة اوصفه اصل ف المكان ده فى ناس احترمتنى اوووووى كنت بشوف احترامها باحساسى حتى اللى كنت بشد ف الحوار معاهم جوايا احساس قووووى انهم بردوا بيقدرونى جداااا
المهم عملت مغــــادرة
** قبس من نور ** جدااا احببتك... جداااا قدرتكِ... جدااااااا انتِ فخر لى وذخر عند الرحمن
فأعظم الطاعات هى جهاد النفس
الصورة دى حلوة اووووووى بتفكرنى بموقف بينى وبين اخويا
كنت قرأت فى رواية زمان ان اللى مأكلش ع عربية فول فاته نص عمره
دى كانت وجهة نظر الراوى بس انا حبيت الفكرة جداااا
وفى اجازة اخويا اللى فاتت قولتله انا نفسى جدااا اكل ع عربية فول يا احمد
بيقولوا انها متعـــة واللى مأكلش عليها ضاع منه معانى كتيرة
انا عايزة استرد المعانى اللى ضاعت منى دى
قالى هو من ناحية متعه فهى فعلاااااا متعه بس عندى فكرة احلى
ما تيجى تقعدى ع قهوة اكيد السحلب يحلى
المهم قالى ماشى هوافقك بس لو لقينا عليها حد
هنفرش ع العربية بتاعتنا وتاكلى
فرحت جدااااا صراحة انا بحب الحاجات المجنونة ومتخيلتش ان اخويا يوافق
بس هو اكيد وافق عشان مسافر والا كان سمعنى الاسطوانة اياها :)
بس للاسف بقى دخلنا فى دور تعب بابا ثم عملية اخويا افتكر ليهم الخير يارب
وســـــــافر بعد العملية باسبوع ومقدرشى يودينى
ان شاء الله المرة الجاية اكون فكرت فى موضوع القهوة اللى قالى عليه ده
حبيبـــــــــى ياسندى
