عــــــــذراااا *خاطرتــــى *

ربما اول مرة تضيق

 

فبحثت فيها عن رفيق

رفيق يأخذ بيدى الى اول الطريق

رفيق يقول لى بعدا حبيبتى من كل ضيق

رفيق كان لي مثل الرحيق

استنشق منه فيزول عنى كل ضيق

فياااااااااحسرتى لم اجد الرفيق

وعلى النقيض

وجدت اناس لأجلى حزنون

ولكن رأفة بي لا يظهرون

راكعون ساجدون

داعين لي ان اكون

يهمسون لأنفسهم

ظانين انى لا اسمع ما يقولون
 

يقولون ربنا ارزقها الخير حيث كان

ونور دربها بنورك يا رحمن

 فعذرا يا رفيق لم يعد لك معى طريق

ولكـــــــــــــن

لاتحزن فلعل الله يحدث بعد ذلك امرا

اللهم اشفى ابى شفاء لا يغادر سقما

يارب تقوم يا بابا بالسلامة ويومها يبقى هو ده العيد بجد

لحظة حلوة خطفتها من الزمن

اسعد لحظة فى السنة دي وهى يوم 2011\8\1 الساعة 3.53ص

حبيت بس ادونها زي ما بدون اللحظات المريرة

عشان مدونتي تبقى شاهدة ديما ان ربنا كريم اوووووووووى

وزي مــ فى لحظات مش حلوة فى لحظات تانية روعة

و اللي حصلي السنادى بجد اكبر دليل انه طالما الله موجود فالامل موجود

وفى شعور حلو اوى خايفة اكتبه لحسن حد يحسدنى :)

وبما ان مفيش حد بيدخل مدونتى فاكيد مفيش حد هيحسدنى :p

انا حسة انى مش خايفة ابدااااااا حاسة بالامان اوى

ازاى اتعب ولا اشغل تفكيرى وانا ربى الكريم <3 br="br">

الحمــــــــــــــــــــــد لله رب العالمين

قد كفـــــــــــــــــــــــــــانى للأمام الحـــداد

قد كفاني علم ربي من سؤالي و اختياري

فدعائى و ابتهالي شاهد لي بافتقاري

فلهذا السر ادعو فى يساري و عساري

أنا عبد صار فخرى ضمن فقرى و اضطرارى

يا الهى و مليكى انت تعلم كيف حالي

و بما قد حل قلبى من هموم واشتغالي

فتداركني بلطف منك يا مولي الموالي

يا كريم الوجه غثنى قبل ان يفنى اصطباري

يا سريع الغوث غوثاً منك يدركنى سريعا

يهزم العسر و يأتى بالذى أرجو جميعاً

يا قريباً يا مجيبا يا عليما يا سميعا

قد تحققت بعجزي و خضوعي و انكساري

لم ازل بالباب واقف فارحمن ربي وقوفى

و بوادى الفضل عاكف فأدم ربي عكوفى

و لحسن الظن لازم فهو خلي و حليفي

و انيسي و جليسى طول ليلي و نهاري

حاجة فى النفس يا رب فاقضها يا خير قاضي

و ارح سري و قلبي من لظاها و الشواظى

فى سرور و حبور و اذا ما كنت راضي

فالهنا و البسط حالي و شعارى و دثارى

*للامـــــــــــــــــام الحــــــــــداد *

غلطان اللى قال الغربة بتقسى

النهرده عدى سنة وشهرين على سفر اخويا ومفروض انه ينزل فى شهر 7 بس للاسف مش نازل

كنت بحلم فى عز الامتحانات انى هروح اقابله فى المطار واجرى عليه واحضنه حضن كبييييير 

اخر حاجة

ياااااااه ده حتى واحشنى خناقنا مع بعضنا من وقت مسافر مش لاقية حد اخانقه :)

 سافر وسابلى الطيبين بيصعبوا عليا فمش برده اخانقهم :))


وبعد منتخانق ب دقائق يدخل عليا الاوضة وانا بذاكر ويقولى

 هو ال تي شارت ده لايق مع البنطلون وبالتاكيد انا مش برد

 يرد يقولى انا غلطان اساسا انى جيت اكلمك :P

وييجى تانى وينسى بردا ويقعد يتحايل اعمله نسكافية غصب عنى برجع تانى اكلمه ده الطبيعى 

مش اخوااااات :*

بس احمد بجد من وقت مسافر وزاد احترامى ليه اضعاف وخاصة لما الغربة غيرت فيه حاجات 

كتير جدااااا وحولته من مجرد شاب عنده 23 سنة لراجل بمعنى الكلمة 

حد شايل مسئولية.... وبيحلــــــم لبكرة ....وجواه مخاوف ايجابية

تعرفواااااا

غلطان اللى قال الغربة بتقسى لا والله دى الغربة اكتر حاجة تحنن قلبك 

يعنى انا بفرح جدااا لما حد ينزل من عنده ويقول احمد مهتم باخواته جدااا

وكل تفكيره اية اللى يجيبه ويفرحهــــم 

تعرف يا احمد اليوم اللى بنعرف فيه انك مبسوط عندك  بيكون يوم عيد عندنا فى البيت 

يعنى مثلا يوم ماخدت الدكتوراه اقصد الرخصة :)) بعد سقوط اربع مرات

 كان يوم سعد وهنا اه وربنــــا :))

وكمان يوم مبنعرف انك مضايق ربنا بيبقى عالم بحالنا وببقى عيزة اجى اضرب اللى مزعلك

وطبعاااااا انا قادرة واعملها :))

والاكيد ان وجهة نظرى فى الاخوة اختلفت السنادى مليون فى المية

 مش من وقت م احمد سافر  لا من وقت2010\3\20

وحسيت انه اخواتى ثم اخواتى ثم اخواتى وبعدين اى حاجة تانية

ماعلينا

المهم واحشنى والله ياحمود وبجد نفسى اشوفك احسن حد فى الدنيا

ربنا يسعدك ويراضيك ويرضى عنك دنيا واخرة 

سلامى ليك من اوضتك قدام شاشة الكمبيوتر للامارات


وبجد مفتقـــــــداك يا اسمك ايه :** 

يوم ميـــــــــــلادى

يـــــــــــــوم ميلادى

اكيد بجد اليوم ده بيبقى ذكرى حلوة لكل حد فى الدنيا وكداب اللى يقول غير كده

بس صراحة سر فرحتى السنادى بيوم بميلادى هو انه جد مع اخر يوم مذكرة فى السنة

كان اخر يوم امتحاناتى بعد مذاكرة اقصد عذاب سنة كامله

سنة كاملة مرت بكل دموعها اللى كانت كتيرة شويتين السنادى وبرده ابتسامتها

اخيرااااا ياللــــــــــه سبت المرافعات والمدنى والتجارى وجنائى والادارى والمالية

يالله 11 مادة على مدار السنة بحوالى 20 كتاب

بجد اطول واصعب سنة مرت بحياتى وخاصة زى ماقولت ان دموعها كانت كتيرة

يلا الحمد لله انها عدت وعقبال سنة رابعة عشان نخلص بالمرة

بس ياااااااااااارب نخلص على خير

....ملحوظة صغنونة انا جبت تورتة بالكريمه اللى بموت فيها وكمان ب الشيكولا عشان اللى ياكل وحده :))

رحماك ربـــــــــى

رغم الهموم التى عاشت بأوردتى

وثقت بالله لا اخشى على ثقتى

ان مزق اليأس والترحال اوشحتى

غزلت من سندس الامال اثوابا

قــــــــارب نجــــــاة * خاطرتـــــى *

ياااااااااااااااالله صعبة الحياة

                         لما تحس فى لحظة ان مفيش فيها ولا قارب نجاة 

                         ولا حتى طوق نتعلق بيه ونقول اااااالله حلوة الحياة

                                      تطوف بينا الدنيا وتبكينـا

وتحس انها من حواليك مجرد مدينة

مدينة ظلام ولا للاشباح مأوى وسكينا

الله اعلم بيها وبينا

تدور فيها على اى حد يضمك

 متلاقى غير حضن امك

ودعوة تخرج من قلب صادق حنون

وعيون فيها ابتسامة كلها شجون

تقول ياحنان يامنان

ادينا قارب نجاة نعدى بيه لبر الامان

امان بنحلم بيه من زمان

مهما بعد بينا وبينه المكان


بجد اول مرة فى حياتى تضيق بيا الدنيا اوى اوى كده

بجد اول مرة اجرب احساس انه يكون فى عينيك دمعة

مش قادر تنزلها عشان مفيش وقت ليها

ياااااااااااااااارب خليك جنبى

يوم من عمـــــــــرى اللى فــــــــــــات

امبارح كانت رحلتى اللى بحلم بيها من زمــــــــــــــــــــان اوى يعنى بحلم بيها من حوالى عشر سنين كده

اخر مرة رحت فيها الاماكن دى كنت فى خامسة ابتدائى

يااااااه اخيرا بعد بحث لقيت رحلة طالعة المتحف وحديقة الازهر والسندباد
 وما ادراكم ما السندباد وذكريات السندباد

اصل انا تقريبا من اولى ابتدائى وانا بروح رحلة ترم اول وتانى 

ياااااااه على كم الذكريات المهولة اللى مرتبطة عندى بالاماكن دى



افتكرت ايام زمان لما كنت ببقى هموت من الفرح اليوم االلى صابح فيه همشى الرحلة

افتكرت ايام مدرسة بنات سنورس لما كنت عايشة هنـــاك

افتكرت استــــــــاذ عماد  *ياترى فاكرنى * :)


وافتكرت الالعاب اللى كنت بلعبها هناااااك فى مدرستى


افتكرت لما خلود وايمان وبسمة كانوا بيعدوا عليا ونروح نشترى حاجات الرحلة مع بعض

 واللى برضوا مش شفتهم من ايام ابتدائى لانى نقلت الفيوم



افتكرت لما كنت خلصت ابتدائى وبابا جبنا على الفيوم ودموعى على خدى مش متصورة انى اسيب

 اصحاب عمرى اللى هو 11سنة ومكنتش اعرف انا ربنا هيبدلنى خيرا منهم



افتكرت لما اصرارى الطفولى  افضل فى مدرسة سنورس واروح واجى كل يوم مع بابا 

لمدة شهرين عشان مش اسيبب اصحابى وبعد كده تعبت واستسلمت 

وقولت لبابا ينقلنى ل مدرسة فى الفيوم *ليه شخصية من يومى * :)

افتكرت انى ببقى ماشية الرحلة زعلانة انى سيبه ماما ورايحة اتفسح وحدى


واحمد اخويا ييجى يوصلنى وكان ايامها هو كمان فى ابتدائى بس مبيحبش يروح رحلات


ويختار ليا كرسى فى الباص ويقعدنى وبعد كده ينزل وافضل اعملة باااااااااااااااى لحد ما الباص يمشى
وافضل باصة عليه لحد الرؤية ما تختفى تماما بنا

وبعد كده تبدا نغنى ونقول الملحمة الشهيرة

*ياسواق ياشاطر ودينا القناطر ياسواق يالخمة خدلك حتة لحمـــــــة*

ومعشى طفولته اللى مغنهاش فى يوم :))

ونوصل المتحف او القلعة وانا اقعد اسلم باديا على التماثيل اكيد كانت اديا ضغننه ايامها :))

ونفضل نغتت على السياح واللى اخوه محفظة كلمتين انجليزى ونشتغل بقى

وبعد كده نروح على الحديقة وتبدا حفلة الغدا والجرى واللعب بالكورة والقطة العامية 

وحاجات بجد تحفة*مفتقداها*

بس خلاااااااااص بقت ذكرى

وياحبذا بقى لو جايبين فيلم مشترك ووحدة يكون عندها الكاميرا ونفضل نتصور وسط الورود

ومع السياح ونعيــــــــــــش :))

وبعد كده نروح السندباد ويبدا دور استاذ عماد اللى كان يركب معايا الالعاب اللى عايزة اركبها بما 

انى بخاف على اساس انه لو ركب جنبى اللعبة هتخاف منه ومش هتوقعنى :))

وافضل العب واتنطط بس اهم حاجة ابقى شوية فلوس صغننه عشان اشترى للميا اختى خاتم او محفظة لاحمد

واهم حاجة التفاحة الحمرا :)) وذكريات التفاحة الحمرا اللى بشتريها من السندباد وعليها حاجة كده زى عسل بيفضل ينقط

بس للاسف المرة دى اكتفيت انى ابص عليها من بعيد لانى انكسفت اشتريها



وبعد كده ارجع الباص وانا هموت من التعب وزعلانة جدا ان رحلتى خلصــــت 

ويعود الغناء مرة اخرى ولكن بـ *ضحكتوا علينا عايزين فلوسنا*

الفرق بين الرحلات  دى واللى انا رحتها امبارح هو ان بدل مكنت فى ابتدائى بقيت فى جامعة


وانى لما رحت المتحف بدأت اقرا بجد عن تاريخ التماثيل واتصور جنبهم وانا فخورة بحضارة بلادى

واجمل فرق انى كنت مع امنية  صحبتى  اول مرة نطلع رحلة مع بعض


الرحلة دى بجد فرقت معايا كتيييييير اوى وفكرتنى بايام طفولتى البريئة بجد


اللى مفهاش اى مشاكل واكبر امانيه انى اشترى لعبة حلوة



مكنتشى ايامها عندى هموم ولا كان نفسى اكون واكون واكون



ولا كنت شايفة الدنيا لاما ابيض لاما اسود


ولا كنت بعد فى الايام اللى بفرح فيها لان ايامى كلها كانت سعيدة


ولا كنت بعد فى سنين عمرى وخايفة اكبر لانى خايفة من بكرة وخايفة مكنشى حاجة


كانت الدنيا من حواليا بيـــــــــــــــــــــــــــــــــــــــــو


 واخيــــــرا وليس بأخر مرى يومى كريمــــا وعدت الى واقعـــــى  مرة اخرى

 حيث بدى لى انى قد كبرت  :((


ياااااااااااالله ليت الطفولة تعود يوما

رســــــــــــــالة بلا عنوان

عيــــــــــــــــــــــد الحب

كل عيد حب وكل احبابى بخير وامان وسلام

كل عيد حب سعيد على بابا وماما

كا عيد حب سعيد على اخواتى

كل عيد حب سعيد على اصدقائى

بحبك يا......... امى

شوووووووو بحبك يا امى يا اغلى من فى وجودى