اللهم اشفى ابى شفاء لا يغادر سقما

يارب تقوم يا بابا بالسلامة ويومها يبقى هو ده العيد بجد

لحظة حلوة خطفتها من الزمن

اسعد لحظة فى السنة دى وهى يوم 2010\8\1 الساعة 3.53 م

حبيت بس ادونها زى ما بدون اللحظات المريرة

عشان مدونتى تبقى شاهدة ديما ان ربنا كريم اوووووووووى

وزى مفى لحظات مش حلوة فى لحظات تانية روعة

و اللى حصلى السنادى بجد اكبر دليل انه طالما الله موجود فالامل موجود

وفى شعور حلو اوى خايفة اكتبه لحسن حد يحسدنى

وبما ان مفيش حد بيدخل مدونتى فاكيد مفيش حد هيحسدنى

انا حسة انى مش خايفة ابدااااااا حاسة بالامان اوى

ازاى اتعب ولا اشغل تفكيرى وانا ربى الكريم

الحمــــــــــــــــــــــد لله رب العالمين

مــــــــين بياخد باله منك بعد منى

لسه بتخاف من الفراق لو تيجى سيرتى

لو شفت عينى بتبكى هدمع عينيك

يعنى صوتى بيوحشك لو شفت صورتى

بتحس بيا حبيبى لما بحس بيك

مين بياخد باله منك بعد منى

فى حضن مييين بتحس احساسك فى حضنى

مش قصدى حاجة انا بس بطمن عليك

حبيت اسلم اعمل ايه.......... اصلك وحشنى

قد كفـــــــــــــــــــــــــــانى

قد كفاني علم ربي من سؤالي و اختياري

فدعائى و ابتهالي شاهد لي بافتقاري

فلهذا السر ادعو فى يساري و عساري

أنا عبد صار فخرى ضمن فقرى و اضطرارى

يا الهى و مليكى انت تعلم كيف حالي

و بما قد حل قلبى من هموم واشتغالي

فتداركني بلطف منك يا مولي الموالي

يا كريم الوجه غثنى قبل ان يفنى اصطباري

يا سريع الغوث غوثاً منك يدركنى سريعا

يهزم العسر و يأتى بالذى أرجو جميعاً

يا قريباً يا مجيبا يا عليما يا سميعا

قد تحققت بعجزي و خضوعي و انكساري

لم ازل بالباب واقف فارحمن ربي وقوفى

و بوادى الفضل عاكف فأدم ربي عكوفى

و لحسن الظن لازم فهو خلي و حليفي

و انيسي و جليسى طول ليلي و نهاري

حاجة فى النفس يا رب فاقضها يا خير قاضي

و ارح سري و قلبي من لظاها و الشواظى

فى سرور و حبور و اذا ما كنت راضي

فالهنا و البسط حالي و شعارى و دثارى

غلطان اللى قال الغربة بتقسى

النهرده عدى سنة وشهرين على سفر اخويا ومفروض انه ينزل فى شهر 7 بس للاسف مش نازل



كنت بحلم فى عز الامتحانات انى هروح اقابله فى المطار واجرى عليه واحضنه حضن كبييييير اخر حاجة



ياااااااه ده حتى وحشنى خناقنا مع بعضنا من وقت مسافر مش لاقية حد اخانقه


وبعد منتخانق ب دقائق يدخل عليا الاوضة وانا بذاكر ويقولى هو ال تي شارت ده لايق مع البنطلون


وبالتاكيد انا مش برد يرد يقولى انا غلطان اساسا انى جيت اكلمك



وييجى تانى وينسى برده ويقعد يتحايل اعمله نسكافية غصب عنى برجع تانى اكلمه ده الطبيعى مش اخوااااات





بس احمد بجد من وقت مسافر وزاد احترامى ليه اضعاف وخاصة لما الغربة غيرت فيه حاجات كتير جداااا



وحولته من مجرد شاب عنده 23 لراجل بمعنى الكلمة وطبعا فيه مليون موقف وموقف



غلطان اللى قال الغربة بتقسى لا والله دى الغربة اكتر حاجة تحنن قلبك



يعنى انا بفرح جدااا لما حد ينزل من عنده ويقول احمد مهتم باخواته جدااا وشاغل نفسه انه لازم يبعتلهم حاجات



نعرف يا احمد اليوم اللى بنعرف فيه انك سعيد هناك بيكون يوم عيد عندنا فى البيت



يعنى مثلا يوم ماخدت الدكتوراه اقصد الرخصة بعد سقوط اربع مرات كان يوم سعد وهنا



وكمان يوم مبنعرف ان انتا مضايق ربنا بيبقى عالم بحالنا وببقى عيزة اجى اضرب اللى مزعلك



والاكيد ان وجهة نظرى فى الاخوة اختلفت السنادى مليون فى المية مش من وقت م احمد سافر

لا من وقت2010\3\20





وحسيت انه اخواتى ثم اخواتى ثم اخواتى وبعدين اى حاجة تانية



ويمكن فى ناس ممكن تزعل من كلامى ده بس اكييد هما السبب فى كده



وكمان انا بشكرهم انهم خلونى اكتشف كده بس يا خسارة اكتشفتها متاخر


ماعلينا

المهم وحشنى والله ياحمود وبجد نفسى اشوفك احسن حد فى الدنيا



ويااااارب يسعدك زى ماديما بتدخل السعادة لقلوبنا


سلامى ليك من اوضتك قدام شاشة الكمبيوتر للامارات


وبجد مفتقداااااااااك

رحماك ربـــــــــى

رغم الهموم التى عاشت بأوردتى

وثقت بالله لا اخشى على ثقتى

ان مزق اليأس والترحال اوشحتى

غزلت من سندس الامال اثوابا

قـــــــــــــــــــــــــــــــــــــــارب نجاة

ياااااااااااااااالله صعبة الحياة

لما تحس فى لحظة ان مفيش فيها ولا قارب نجاة

ولاحتى طوق نتعلق بيه ونقول اااااالله حلوة الحياة

تطوف بينا الدنيا وتبكينا

وتحس انها من حواليك مجرد مدينة

مدينة ظلام ولا للاشباح مأوى وسكينا

الله اعلم بيها وبينا

تدور فيها على اى حد يضمك

متلاقى فيها غير حضن امك

ودعوة تخرج من قلب صادق حنون

وعيون فيها ابتسامة كلها شجون

تقول ياحنان يامنان

ادينا قارب نجاة نعدى بيه لبر الامان

امان بنحلم بيه من زمان

مهما بعد بينا وبينه المكان

بجد اول مرة فى حياتى تضيق بيا الدنيا اوى اوى اوى كده

بجد اول مرة اجرب احساس انه يكون فى عينيك دمعة

مش قادر تنزلها عشان مفيش وقت ليها

ياااااااااااااااارب خليك جنبى

عيــــــــــــــــــــــد الحب

كل عيد حب وكل احبابى بخير وامان وسلام

كل عيد حب سعيد على بابا وماما

كا عيد حب سعيد على اخواتى

كل عيد حب سعيد على اصدقائى

بحبك يا......... امى

شوووووووو بحبك يا امى يا اغلى من فى وجودى

شئ فى .......... ذهنى

فتاة ظنت انها اخذة من الدنيا كل شئ

وفجاة وجدت نفسها لاشئ

فى مجتمع لامكان فيه وبحق الا لمن هوشئ

فجلست تتفقد فى اعين الناس

فلم تجد فيها احتراما الا لمن هو شئ

ووجدت من حولها يعلون شيئا فشيئ

ووجدت من يصغرها يحلم بان يكون شئ

فوجدت نفسها تطوق الى ان تكون شئ

فقررت ان تترك كل شئ

حتى تحقق هذا الشئ

شيئا ذو قيمة وليس اى شئ

فقال لها ابيها يازهرة العمر انت لى كل شئ

ولا اريدك ان تكونى شئ

الا ان تكونى راضية عن نفسك بعض الشئ

قالت ياابتى كيف لنفسى ان ترضى وانا لاشئ

يا ابتى اريد ان افرح هذة العيون ولو بشئ

قالوا لها ان ماتحلمى به مجرد شئ قد يأتى او لا

قالت ولما لا ياتى وانا عبدا لرب كريم

وملك عظيم رب كل شئ

قادر على ان يسخر لى كل شئ

حتى احقق هذا الشئ

قالوا لها ان هناك من هم احق منها بان يكونوا هذا الشئ

لا لأنهم شئ ولكن..................لانهم ذا صلة برجل ذو شئ

قالت تالله لن اعترى بهذة الثرثرة ولو بعض الشئ

لانكم وبكل وضوح ...........لا شئ

وها هى تحاول ان تصنع من التراب حليا لتتزين به

لعلها تصبح جميلة بعض الشئ

اترى سوف تحقق هذا الشئ ؟؟

اللهم حقق لها كل شئ

ولا تحرمها من شئ

ببابك...................ريى

ببابك لن اغادره

ولن اسعى الى غيرك

سأنسج بالرضا ثوبى

واشرف اننى عبدك

واهتف فى جبين الصبح

حين يقال من ربك

الهى خالق الاكوان

لا اسعى الى غيرك

الهى فالق الاصباح

اشرف اننى عبدك

اللهم انى اسالك بعزتك وذلى

اسالك بقوتك وضعفى

اسالك بغناك وفقرى

ان ترحمنى

نبع.....................الحنان

ِِِجلس صبى يبكى بكاء شديدا مريرا بجوار شرفة حجرته المظلمة التى لايضيئها غير نور القمر
ِ
فقد كان ينظر الى السماء تارة ِِويضع وجهه بين زراعيه تارة اخرى باكيا

ولا ينطق الا بدعوة واحدة اللهم ارحمنى من ظلم الناس... وارحم اللهم الناس من ظلمى

واذ بشعاع من النور يبدوا فى هذة الغرفة المظلمة واذ بوراء هذا النور نورا اعظم

فقد كانت امه استيقظت لتصلى القيام وقد دخلت لتطمئن عليه

فاسرع بمسح دموعه متظاهرا انه يتامل السماء بما فيها ولكن.............قلب الام

اسرعت اليه قائلة مابك ياحبيبى ؟؟؟

فامال راسه ولم يتمالك دموعه وقال ليس بى شئ يا امى

قالت قل لى يا بنى مالك ؟؟؟

قال لها ضاقت بيا الارض يا امى ....... ضاق صدرى

قالت له مابك يا فؤادى؟؟؟ قال المنى ظلم الناس واشعر انى وحيدا فى دنيا البشر ومن حولى غيلان

فادركت امه عمن يتحدث فهو يتحدث عن من هم معه فى كليته

واستأنف قائلا فقد ظللت معهم عامين ولم اجد من بينهم حتى زميل

جرحونى .......المونى اشعر بينهم بالغربة اخشى تركهم تزداد وحدتى واخشى البقاء معهم

يزداد المى ويزداد جرحهم لى

فقالت الام فى هدوء الم اقل لك يابنى من قبل تفوق عليهم وستراهم مجتمعين حولك

فقال مسرعا .........حقا وقد فعلت وتفوقت عليهم

ولم اجد منهم الا غلا وحقدا

اخشى ياامى من المستقبل اخشى ان اخرج من كليتى بشهادة

شهادة تعلق على الحائط......لا لا والله حتى الان لم يعد لها مكان على الحائط

!!!لان ليس لها مكان فى المجتمع

فقالت الام حالمة...والله يابنى لسوف تكون.... وتكون ...وتكون

وارمى حمولك على الخالق وقل حسبى الله وكفى

فقد تعبت يابنى وعلمت عن ربى انه لا يضيع اجر من احسن عملا

ورفعت راسها الى السماء داعية

اللهم بحق عزتك وجلال امرك

ان تجعله بعلمه علما يشار اليه بالبنان

اللهم ابدل دموعه فرحا وابتسامات

وجرحه قوة وعزيمة

وابعد اللهم عنه من يضره وعوض عليه بمن ينفعه

وانهمرت بالدموع

قال الابن فى حزن...اسف ياحبيبة عمرى يا امى

فقالت لاتاسف يابنى فياليت صدرى يضيق وينشرح صدرك

وابكى وارى الفرحة تتلالأ فى عينيك

فاتجة الصبى نحو السماء رافعا راسه وقال

اعدك يا امى ان لا ابكى ولا ابكيكى

وان اجتهد واخلص لوجه الله تعالى

ولا افكر فى هؤلاء ولا اضيع لحظات من عمرى فى التفكير فيما يفعلون

ولكنى يارب لستوا بمسامح لهم على مافعلوا بى

شاهدت اليوم رحيل ............................رجلا

شاهدت اليوم رحيل رجلا

!!!لا اعلم عنه الكثير اكثر من انى اناديه عمو صلتى به من بعيييييييييد او من قرييييييييب لا اعلم

ليس له معى اى مواقف لا بالسلب ولا بالايجاب سوى انى كنت كل عيد امر كعادتنا ع ديار عزبتنا

واعيد عليه فينظر الى مبتسما تارة يسلم عليا......... واخرى يقبلنى بحكم انه كبير

عاش عمره يحلم بولد فجاءت اليه البشرى منذ القليل بقدوم الولد الذى ملئ حياته بكل مافيها

وسماه محمد واصبح ابا لمحمد

فاليوم قد مات ابا محمد ولم يعى محمدا ما هى الحياة وما هو الموت

اول مرة اشاهد جنازة لقريب منذ بدايتها

ربما لو مات واهله من حوله مابكيت ولكنه مات غريقا وحيد سارع الموج ولكن لا راد لقضاء الله

رايتهم يصلون عليه فى مسجدا امام عينى صلاة لا ركوع لها ولا سجود

حملوه مغادرين الديار فظللت اترقبهم من بعيد حتى بدا العربات فى الاختفاء

فانهمرت الدموع من عينى واختطفت اخر لقطة له واغمضت عينى عليها

وشردت بعيد بخيالى فتذكرت حديث رسولنا الكريم صلوات الله عليه وسلامه

لا تزول قدما عبدا يوم القيامةحتى يسال عن اربع عن عمره فيما افناه؟؟؟

وعن جسده فيما ابلاه؟؟؟

وعن ماله من اين اخذه وفيما انفقه؟؟؟

وعن علمه ماذا عمل به؟؟؟

سرحت فى هذه الجمل البسيطة التى تحمل فى طياتها نموذجا لضمان الجنة والنجاة من النار

فماذا فعلت انا فى عشرون عاما؟؟؟

ماذا فعلت بحواسى التى انعم الله بها على؟؟؟

ماذا فعلت بما يقع فى يدى من مال؟؟؟

ماذا فعلت بعلمى؟؟؟ وهل كان خالصا لوجه الله تعالى؟؟؟

فتارة اختلس ابتسامة من وسط دموع عندما اتذكر انى احسنت استخدام نعمة الله

وتارة اخرى تزداد دموعى حزنا على اساءتى لاستخدام نعم ربى

...وظللت هكذا شاردة..... حزينة.... صامتة... وحيدة

فلم يفقنى الا اصوت السيارات وهى عائدة من الدفنة

فنظرت الى العربة التى كان يحمل عليها فاذ بها فارغة

فاقشعر بدنى وانتابتنى رعشة هزت كيانى

!!!لا اعلم لماذا هل كنت انتظر ان ياتى عمو معهم

كنت اريد ان اصرخ فيهم قائلتا لماذا تركتموه وحيدا

ياااااااااااااااااالله سبحانك

نعيش فى هذه الدنيا ظانين انها كل شئ وننسى او نغفل انها لاشئ

انها ليست سوى فترة اختبار صغيرة اما نجحنا فنكون مؤهلين للفوز بالجنة ونعيمها

واما اخذتنا الدنيا بين ثنايها والهتنا بهمومها

اللهم بحقك ربى لاتمتنا الا وانت راض عنا

وارزقنا اللهم حسن الخاتمة

ربى اسالك بكل اسم هو لك انزلته فى كتابك او علمته احد من خلقك او استاثرت به فى علم الغيب عندك
ان تجعل قبره رياضا من الجنة

وتتجاوز سبحانك عن سيئاته

وان تثبته عند السؤال

ونوراللهم قبره بنورك الاعظم

وارزقه اللهم الفردوس الاعلى

امين امين امين

وصلى ربى وسلم على نبيي محمد وعلى اله وصحبه اجمعين

صفحة...........من صفحات الحياة

وانا قعدة النهرده افتكرت موقف جمييييييييل جدا حصل من فترة مش كبيرة

الموقف ده هو ان خالوكان بيصلى الجمعة فى مسجد

!!!وطبعا لا يخفى على احد سرقة الجزم من المساجد

المهم السرقة المرة دى كانت من نصيب خالوا طلع من المسجد ملقيش الجزمة

فبيسال الرجالة اللى خرجين من المسجد لقيهم جريوا وراحوا جابوا راجل ماشى من قفاه

طبعا واضح انهم عرفينه وانه استاذ فى سرقة الجزم

المهم نزلوا فيه ضرب مبرح بالجزمة بتاع خالو

!!!وخالوا قعد يقولوهم خلاص ياجماعة سبوه......يا جماعة انا مسامح.... ولاكان حد سمعه

ولا كانه هو صاحب الحق

راح خالو خد الجزمة وقالهم لو ناويين تضربوه يبقى مش بالجزمة وانا مسمحه ومش هبلغ حد

ومشى وسبهم وهو مضايق اخر حاجة انهم ضربوه بالجزمة

لانها لاتليق بالصفة الادمية اللى ربناعز وجل كرمنا بيها

*وفى يوم خالوا ماشى بالعربية فى شارع فشاف الراجل *الحرامى بتاع الجزمة

نده عليه

فالراجل اول مشافه ضحك وقاله انا مبسوط منك جدا انك مرضتشى تخليهم يضربونى بالجزمة

وانا بطلت سرقة خلاص يا باشا

فسالوا خالوا انت كنت هتبيع الجزمة بكام؟؟؟ قالوه ب10جنية

راح خالوا قالوا طيب خد ال 10جنية دى

يعنى انت لو اشتغلت وحاولت تكسب بالحلال

ربنا هيرزقك حتى ولو كان قليل بس اكيد هيبقى فيه لذة تانية
وى وى وى وى وى وى وى

طبعا الله اعلم اذا كان هو بطل سرقة زى مبيقول ولا لأ

بس الاكيد ان المعاملة الخلوقة

سابت فى نفس الراجل ده اثر ايجابى بغض النظر هو تاب ولا لأ

طبعا الموقف ده فكرنى بموقف تانى

شاب صغير او صبى دخل عمارة قدامنا يسرق حاجات من الاطباق اللى فوق السطح

المهم الراجل اللى فى الدور الاخير حس بيه طلع طبعا جابه من قفاه

!!!وجره على السلم زى شوال الدرة

ونازل فيه تلطيش طبعا الناس اتجمعت واللى بيبص من البلكونة والكلام ده

والراجل دماغه وميت الف جزمة انه لازم يبلغ البوليس

مفيش مشكلة

مش هقولك ليه مخدتوش على جنب وكلمته بالحسنى وشفت ايييه مشكلته

ولو قدرت تساعده ساعده مهى فلوسك دى مش ملكك دى من عند ربنا

مش هقولك ليه مصدقتش انه فعلا كان عايز يجيب علاج لامه وانه عنده اخوات بيصرف عليهم

*لان ردك الطبيعى هو*قالوا للحرامى احلف

بس انا طبعا ردى عليك ان اكيد هو مبييسرقشى من فراغ وان لو كان حلفانه غلط

بس الاكيد المؤكد انه عنده ظروف قهرية

بس انا كان نفسى اسالك لما انت ناوى تبلغ البوليس ليه مسحبتش الواد من سكات ووديته القسم

ليه نازل فيه تلطيش وخليته يجيب دم من كل ناحية

من امتى الضرب بيجيب فايدة ولا بيقوم شخص مالت عليه الدنيا

اعتقد ان ضربك ده مبياثرشى فيه لان ضرب الزمن ليه اقوى

اعتقد ان اى ضربه بتوجهاله بتزيد من كرهه للناس والمجتمع

اعتقد من وجهة نظرى انك لو كنت كلمته بالعقل احتمال يجيب معاه نتيجة

بس اكيد كان هيبقالك ثواب

لكن بالضرب مفيش اى احتمال انه يستجيب واكيد مفيش ثواب

واخيرا وليس...............باخر

.....لما يكون ربنا رحمان رحيم

....وستار حليم

....ورسولنا كريم

وامرنا ان كل مسلم يستر اخيه المسلم

يبقى عيب اوى علينا كمسلمين ننشر غسيلنا قداااااااااام كل الناس

!!!!والعجب كل العجب من اناس يسترهم الله فيابون الا هتك الاستار

فضلا على ذالك
قول رسولنا الكريم صلوات ربى عليه وسلامه

*من ستر مسلما ستره الله يوم القيامة*

وكم نحن بحاجة الى ستر الله يوم لا ظل الا ظله

كل يوم وانا معاكم ................الف والف عيد

حبببتى عيلتى بعشقها وبعشق كل واحد فيها من اصغرهم لا كبرهم ومش متخيلة انى اقدر اعيش من غيرهم

كل عيد من يوم متولدت واحنا متعودين اننا نصحى الساعة 4 الفجر اذا نمنا اساسا نبدا نلبس ونمشى على 5.30ص

بالعربية فى الطريق لعزبتنا

وطول الطريق الى هو مش كبير اساسا بنفضل نقول تكبيرة العيد بصوت عالى

الله اكبر الله اكبر الله اكبر لا اله الا الله

................الله اكبر الله اكبر ولله الحمد

وغالبا بنتقابل كلنا بالعربيات عند مدخل العزبة

انه ديما تقولنا متدخلوش بالعربيات مع بعض اصلها بتخاف من الحسد!!! عشان بنكون كتييييييييييير اوى

بس والله عندها حق

العزبة دى اساسا بتاع جد بابا وماما ومش كبيرة خالص

بس احلى ما فيها انك بتبقى حاسس بامان

وانت ماشى فيها لان كل البيوت الى فيها قريبى بغص النظر عن صلة القرابة

!!! يعنى كل واحد ماشى بقوله يا عمى يا جدى............مع انى معرفشى هو يقرب ليه ايييييه اساسا

واجمل ما فيها ان فيها اهل بابا وماما لانهم قرايب

بعد صلاة العيد تبدا حملة الصواريخ بمختلف انوعها واشكالها

كل عيد اقول خلاص يا بت انتى كبرتى بقى وسيبك من شغل العيال والصواريخ بس صراحة مبقدرشى اقاوم

ونبدا بقى نلف فى العزبة بيت بيت ونعيش بقى

الاختلاف الوحيد فى العيد ده ان اخويا مش معانا لانه مسافر ربنا يوفقك يا حمودى

هو انا بجد ارتحت من التصوير اللى كنت بتخلينى اصوره ليك كل عيد وسط الاراضى

بس اطمن مصورتش حد خااااالص لانى مقدرشى اصور غيرك يا فنان

.وحشتنى يا احمد

وبعدين نرجع ناكل رنجة اوسمك والكلام ده

بيبدا اليوم يتاكل حتة حتة وانا فى منتهى السعادة لحد مييجى وقت المرواح والاجانب طبعا مش عيزة تروح

بس اكتر لحظة مبحبهاش فى اليوم ده من وانا صغيرة لحد النهرده هو وانا مروحة بحس ان اليوم ده مش هيتعوض

وبيبقى يوم خرافى بس بجد والله انا اى يوم اتجمع فيه انا وعيلتى بيبقى عندى عييييد

وبعدين اجى الفيوم بقى اخرج انا واصحابى البنانيت ونروح النادى والكلام ده

وخلاااااااااااااص بيخلص العيد اللى ديما وابدا ان شاء الله سعيد

ويلا بقى

ببيااااااااااااااااااااااااااااى

النهارده وانا مشيه فى وسط البلد شفت مشهد صغير من مشاهد الحياة

.......المشهد ده دور فى دماغى مية سؤال وسؤال


هل الانسان ممكن فى لحظة يفقد الاحساس بالحياة ؟؟؟ يعنى حياته تشبه مماته يعنى سئم الحياة بكل معانيها

شفت النهردة ولد صغير عنده حوالى 12,11 سنه لابس لبس بسيط جدا جدا

!!ّ! بيخطى خطوة خطوة على سور بحر يوسف وماسك فى فرع من فروع شجرة

!!!وعمال يمشى على السور بيدور على ايييييه......... الله اعلم

بس انا مش فهمه هى دى جرئة !!ولا الولد ده بيحاول يثبت لنفسه حاجة

يثبت لنفسه انه اقوى من اى ظروف وانه شجاع ومبيخفشى من قهر الدنيا


حسيت وهو ماشى انه لقى الحياة مرة وبرده الموت مر فقال اما اجرب حظى وقعد يقول

*حادى بادى كرنب زبادى شالو وحطواااااا كله علادى*

!!!بس يا ترى علادى دى هتكون فين فى البحر ولا البر الله اعلم

انا بضايق من الدنيا والظروف ساعات واقول اللهم اذا كان الموت خيرا لى فامتنى واذا كانت الحياة خيرا لى فاحينى

بس برجع وافتكر ابويا وامى واخواتى والنعم الى ربنا مدهالى واحلامى المشروعة اللي ان شاء الله هحققها فاتفاءل من تانى

!!!ياترى الولد ده مش مفكر حتى فى دمعة امه ولا هو اساسا ملوش اهل

بس اغرب حاجة انى لما شفته محستشى بالامان لان الشارع كان مليان على اخره بالرجالة ومفيش حد قرب ونزله


حسيت انهم ماشيين فى جنازة كل واحد سرحان فى همه ومعندوش استعداد يبص من حواليه

او انهم حاسين ان احنا كترنا اوى فى البلد وكترت مشاكلنا فاليموت يموت اهه هيفضى مكان لغيره

*وييجى غيره فى مجتمع فيه *من لم يزد فى المجتمع فهو زيادة عليه


يلاقى نفسه زيادة فيغادرها ويرحل عنها بعيد


وهو مش زيادة لانه فشل انه يزيد لمجتمعه هو زيادة لان مجتمعه مدلوش فرصة يثبت قدراته


يا خسارة يا مصر يا حببتى كل يوم على الاقل بتخديلك مليون دعوة عليك


مع انك ملكيش ذنب فى حاجة ولا قولتى للغنى اسرق ولا للفقير اتعفف

بس نصيبك كده ان 10%من البلد يكلوها والعة

و40%عيشين تحت خط الفقر

و50%بيقولوا يا حيطة دارينا

وفى نهاية من لستوا ارى له نهاية واضحة

انتهيت من هذا الشارع الكئيب واغلقتوا الصفحة وفتحتوا صفحة جديدة من صفحات الحياة

...........الى اين يا حبيبى؟؟؟....... انتظر فانى بحاجة البك

ِلقد اوشك حبيبى رمضان ان يعلن رحيله

سيغادر بما فيه من تراحم وموده

وبسمة جميلة سمحة فى وجه صائم لله

واعين تنهمر بالدموع طمعا فى رضاء الله

وشعورنا جميعا باننا اخوة فى الله

ولكن للاسف كل عام يغادر عنا كنت اشعر باستياء لانى سوف اشتاق اليه

اما هذا العام فان حزنى هو شعورى انه حزين منى وعلى

حزين منى لانى لم استقبله مثلما عودته من قبل كنت لا اشترى الزينة ولا اشهر فرحى به

ولكن قلبى كان مليئا بالفرح لقدومه

اما هذا العام فانى لم اشعر بقدومه !!!فذهبت وشريت الزينة حتى يدب فى قلبى الفرح بقدوم حبيبى رمضان

!!!ولكن وااااااااه اسفاه ..................بقى الحال على ما هو عليه

اما حزنه علي انى ضيعت فرصة غفران لما تقدم وتاخر من عمرى

فان كنت حاولت ان احافظ على قراءة كلام الله الا انى قصرت قصورا شديدا فى صلاة التراويح

لا اعلم لماذا .......لا والله بل اعلم ولكنه ليس بمبرر كاف.....بل من المفترض

ان يكون محفزا يجعلنى اهرع الى الله واقفة بين يديه راجية ان يتقبل منى دعائى

واشعر ايضا انى انانية جدا هذا العام فوالله كل عام كنت اختم وادعوا لابى وامى واخوتى واختم وادعوا لهم

وكنت انسى نفسى او بمعنى اخر اتناساها لانى كنت اشعر انه ليس لدى مشاكل

او بمعنى كنت اشعر ان مشاكلى ضئيلة

وكان عندى امل بالمستقبل واحلام تناطح السحاب وامل وتوكل شديد على الخالق

وكنت دوما اقول طالما الله موجود فالامل موجود

فعلى الرغم من انى هذا العام حصلت على تقدير يرضينى جدا وافضل من السنة الماضية

*الا انى فقدت كل امالى ورميتها وراء ظهرى *لاسباب يعلمها الله

واعيش الان وكانى لا اعيش اعيش بلا هدف اتطلع اليه

وبدون حلم احلم به فى يقظتى ومنامى

هذا العام فانى لم استطع ان ادعو لغير نفسى لشعورى انى سقيم واريد ان يشفينى الله

كنت كل عام بعد مغادرة رمضان لنا .احاول جادة ان ابقى على ما انا فيه من خشوع وطاعة

!!!اما هذا العام فانى لا اجد ما احاول ان ابقى عليه

حبيبى لاتغادر دون ان تكون راضيا عنى فانى بدون رضاك لا شئ

فربى يعلم ان بغيابك يغيب القمر الذى يهدنى بنوره

والشمس التى تدفئ قلبى باشعتها

واامل حبيبى عندما تقدم علي العام القادم ان كان فى العمر بقية

ان اكون افضل من ذالك محققة او ساعية فى تحقيق امالى

واخيرا وليس باخر..... اللهم تقبل منا صلاتنا وركوعنا وسجودنا

ولا تمتنا الا وانت راض عنا

واجعل اللهم مستقبلناافضل من حاضرنا

والسلام عليكم ورحمة الله وبركاته

تعمل ايه؟؟؟؟؟؟ تسيب ابنها يموت ...............ولا تدور على البيوت

مش عرفة ابتدى من فين ولا القصة دى هتنتهى على ايه؟؟؟ ياااااااااااااااااارب خير

يمكن اكون سمعتها او اتحكالى عن قصة شبها لكن اعاصرها لا والله

بس اصعب ما فيها ان الجانى هو الى يكون مستحوز على كل

!!!استعطافك

القصة بتبدأ من ام بتصلى معانا الترويح فى مسجد كبير فى الفيوم

الام دى اشتغلت فى مجال الدعوة الاسلامية لمدة14سنة ومعروفة جدا فى المسجد وكل ادراة المسجد تعرفها تقريبا

المهم لظروف امنية*امن الدولة* الام دى انقطعت عن التدريس بالمسجد لكن بتتردد عليه كتير

الام دى مستورة الحال يعنى بتعيش اليوم بيومه ولا وراها فدادين ولا اطيان

حصلت مشكله بين جوزها وجيرانه بسبب القاء الجيران للقمامة

*ودى فى حد ذاتها مصيبة تانية بس مش موضوعنا*

المهم المشكلة بدات بمشادة كلام وتطورت لخناقة وانتهت بقتيل

واليكم ياسادة العرض التالى

اثناء الخناقة تدخل طرف تالت لديه مشكلة مع جيران الام قام بطعن احد افراد جيران الام بسكينة فوقع على الارض

!!!وقبضت روحه وانتقلت الى بارئها وراح ضحية القمامة

هتقولوا دلوقتى وفين المشكلة وايه دخل الام ده الطرف التالت هو الى قتل.................هرد عليكم اهه

*لان الطرف التالت مسنود ولان اهل القتيل مش هيعرفوا يخدوا معاهم ولا حق ولا باطل*على حد قول الام

ولان اهل القتيل مش عايزين يخرجوا من الجنازة بدون حمص

*قالوا للام دى لو مدفعتيش 100 الف جنية هنشهد ان ابنك هو الى قتل*لا حولة ولا قوة الا بالله العلى العظيم

لو رجعنا بالذاكرة لورا شوية هنفتكر اهالى ضحايا العبارة السلام98 هنلاقيهم مرضيوش يخدوا تعويض من الحكومة لانهم مبيقبلوش تعويض من العباد لان رب العباد موجود مع ان ده حقهم

هنعرف الفرق الكبييييييييييييير بين العقليتين

تعرفوا ابنها ده عنده كام سنة؟؟؟20 سنة يعنى فى عمرى موجود وسط عتاة الاجرام

*ممنوع يصلى او يصوم ولو صلى او صام ينضرب من المساجين*وما خفى كان اعظم

*وللاسف الشديد الولد ده انتقل للمستشفى من ايام مقدرشى يتحمل مرار السجن*الله المستعان

المهم الام تعمل ايييييييييييه تسيب ابنها يموت ؟؟؟؟؟؟؟؟؟؟؟؟؟ ولا تدور على البيوت

الام مقدرتشى تسيب ابنها يموت ودارت على البيوت وقالت ...وحكت... وبكت...بس برده معرفتشى تجمع المبلغ

وبعد مهاطلات وبكاء وصريخ وعويل من الام لجيرانها نزل المبلغ ل50 الف جنية

بس برده فى مشكلة لانها ليس لديها فى هذة الدنيا سوى شقة فى مكان بسيط تعيش فيها واولاده

لو هتتباع اقصاها 30الف جنية

اكتر حاجة اثرت فيا وهى بتقول فى المسجد ان عمرها مخدت فلوس من حد وانها ديما ربنا سترها

لأوكانت بتدى لله كمان

*وكمان بتقول لو ابنها خرج هيخرج مريض نفسيا لانه بيموت كل لحظة بيعيشها فى السجن*لا اله الا الله

القصة دى بكل صراحة على الرغم من انى سمعتها من الام نفسها واكد عليها كل الى يعرفوها فى المسجد الا ان فيها

*جانب خفى او غامض جدا جدا وهو حقيقة وجود طرف تالت من عدمه*هل الابن هو القاتل ام لا

ولكن سوف اعرض عليكم وجهة نظرى البسيطة

فكلا منا يضع نفسه مكان هذا الولد الذى يبلغ من العمرعشرون عاما واباه ضرب امامه ونقل الى المستشفى

فربما استفذه هذا الموقف فغاب عقله امام وجود ابيه طريحا على الارض فقام بطعن الجار

ولكن فى كل الحالات فان تعاطفى مع هذا الولد يسبق كل الاحتمالات لانى بجد لو مكانه انا مش هجيب سكينه

ولكن هخنقهم باديا لان ابويا هو حياتى

وقف القلم لحد هنا فى انتظار حكم الله والمحكمة

وليس بيديا سوى ان ادعو العلى القدير له كلما تذكرته

والسلام عليكم ورحمة الله تعالى وبركاته

عمنا................صلاح جاهين

بحرالحياة مليان بغرقى الحياة

صرخت خش الموج فى حلقى ملاه

قارب نجاه صرخت........قارب نجاة

قالو مفيش غير هو الحب قارب نجاة

!!!وعجبى

ياباب يا مقفول.....أمتى الدخول

صبرت ياما والى يصبر ينول

دقيت سنين والرد يرجع لى مين؟؟؟

لو كنت عارف مين انا اقول

!!!وعجبى

ياسك وصبرك بين ايديك وانت حر

تياس ما تياس الحياة راح تمر

انا دلوقتى من ده ومن ده وعجبى

لقيت الصبرمر وبرضه الياس مر

!!!وعجبى

انشد ياقلبى غنوتك للجمال

وارقص فى صدرى من اليمين للشمال

ماهوش بعيد تفضل لبكرة سعيد

ده كل يوم فيه الف الف احتمال

!!!وعجبى

لو فيه سلام فى الارض واطمئنان وامان

لو كان مفيش ولا فقر ولا خوف ولا جبن

لو يملك الانسان مصير كل شئ

اناكنت اجيب للدنيا ميت الف ابن

!!!وعجبى

جالك اوان وعرفت مشى الجنايز

كيف شفتها ياعبدرب اللذايذ

قال:شفت شيل بالحيل فقيراوامير

كما شالوا فى الحماميرفواضى القزايز

!!!وعجبى

مرات افوق ويحل عنى غبايا

وافتكر انى فهمت كل الخبايا

وافتح شفايفى عشان اقول الدرر

مأقولشى غيرحبة غزل فى الصبايا

!!!وعجبى

ولدى نصحتك لماصوتى اتنبح

متخفشى من جنى ولامن شبح

وان هب فيك عفريت قتيل اساله

مادفعش ليه عن نفسه يوم ما اندبح

!!!وعجبى

اناقلبى كان شخشيخة اصبح جرس

جلجلت بيه صحيوا الخدم والحرس

انا المهرج وخفتوا ليه وقمتوا ليه

لا فى ايدى سيف ولا تحت منى فرس

!!!وعجبى

يا طيرياعالى فى السماطظ فيك

ما تفتكرشى ربنا مصطفيك

برضك بتاكل دود وللطين تعود

تمص فيك يا حلو...ويمص فيك

!!!وعجبى

ياحزين ياقمقم تحت بحور الضياع

حزين انا زيك وايه مستطاع

الحزن مابقالهوش جلال ياجدع

الحزن زى البرد....زى الصداع

!!!وعجبى

يامشرط الجراح امانة عليك

وانت فى حشايا تبص من حواليك

فى نقطة سوده فى قلبى بدأت تبان

شيلها كمان.....والفضل يرجع ليك

!!!وعجبى

...اناشاب لكن عمرى الف عام

وحيد لكن بين ضلوعى رخام

خايف ولكن خوفى منى انا

...اخرس ولكن قلبى مليان كلام

!!!وعجبى

صلاح جاهين

قصة حب

اليك يامن اخصه بحب لم ولن استطع ان أصفه

اليك انت يامن تفرح لفرحى وينفطر قلبه لحزنى


يامن اذا ضاقت بيا الدنيا وجدت قلبه يسمعنى قبل اذنه


ووجدت عينه تحضننى بدفئ


ووجدت يده تمسح دمعى


أبى وعمرى ربما لم استطع ان اوفيك جزء من حقك فانت الشئ الوحيد فى حياتى الذى اغبط نفسى عليه


وكلما ضاقت بيا الدنيا وحالفنى سوء الحظ تذكرت انى منعمة بك وبحبك الذى احظى به من بين اخوتى فتهون الدنيا على


*اتذكر ابى يوم ان كان عمرى 3اعوام وسافرت انت كنت ترسل وتقول*وحشتينى يا صغيرتى


فاليوم ابى صغيرتك كبرت واكملت عشرون عاما ولكنك مازلت تنادينى صغيرتى وتكتبنى صغيرتى


اتذكر ابى يوم ان حصلت على امتيازفانت اول من اخبرتك وانت فى عملك اذكر الان نبرة صوتك والفرحة التى احسست بها فيه وعندما قدمت الى قلت انك سجدت وبكيت


فياليتنى يا عمرى استطيع ان افرحك دوما واسعد قلبك وارسم بسمة على شفاتك وتفخربى


لا اعلم كيف........... ولكن توكلى على الله يسبق واقعى


اتعلم ابى ماالذى يميزك عن اى شخص يحبنى انك تحبنى كما انا سواء نجحت ام فشلت تحبنى فى كل حالاتى وسكناتى


اترى ساجد يوما من يحبنى مثل حبك يحبنى كما انا الله اعلم


سامحنى ابى ان كنت اخطأت فى حقك يوما ولم احقق لك حلماولكن ربى يعلم ان ما يشغل تفكيرى


هو رسمة بسمة على شفاك ورؤية دمعة فرحة تتلألأ فى عينيك


ابى ادعو الله لى ان يسخرنى لخدمة دينه وانا اكون مسلمة صالحة نافعة وان يسعدنى الله فى مستقبلى ويجعله سبحانه افضل من حاضرى


وادعو لك العلى القدير ان يرزقك العليين وقصرا بجوار سيد الخلق اجمعين ويجعلك ربى من المقربين


امين امين


وصلى ربى وسلم على نبيي محمد وسلم تسليما كبيرا